പ്രാഗ്: 18 വയസ്സുകാരിയായ ഇന്ത്യൻ അമ്പെയ്ത്ത് താരം ശീതള്‍ ദേവി കായിക ചരിത്രത്തില്‍ പുതിയൊരധ്യായം എഴുതിച്ചേർത്തു. കൈകളില്ലാത്ത ആദ്യ വനിതാ അമ്പെയ്ത്ത് താരമെന്ന നേട്ടത്തോടെയാണ് ശീതള്‍ ചരിത്രം കുറിച്ചത്. ഗ്വാങ്ജുവിലെ (ദക്ഷിണ കൊറിയ) 2025-ലെ പാരാ വേള്‍ഡ് ആർച്ചറി ചാമ്പ്യൻഷിപ്പില്‍ വനിതകളുടെ കോമ്പൗണ്ട് വ്യക്തിഗത ഇനത്തിലാണ് ശീതള്‍ സ്വർണ്ണ മെഡല്‍ നേടിയത്.
ആകാംഷ നിറഞ്ഞ ഫൈനലില്‍ ലോക ഒന്നാം നമ്പർ താരമായ തുർക്കിയുടെ ഓസ്‌നൂർ കുറേ ഗിർദിയെ 146-143 എന്ന സ്കോറിനാണ് ഷീതള്‍ പരാജയപ്പെടുത്തിയത്. മത്സരത്തിലുടനീളം തകർപ്പൻ പ്രകടനമാണ് ശീതള്‍ കാഴ്ചവെച്ചത്. അഞ്ചാമത്തെയും അവസാനത്തെയും “എൻഡില്‍” മൂന്ന് മികച്ച അമ്പുകള്‍ തൊടുത്ത് ശീതള്‍ തന്റെ വിജയം ഉറപ്പിച്ചു. ജമ്മു കാശ്മീർ സ്വദേശിനിയായ ശീതള്‍, കാലുകള്‍ ഉപയോഗിച്ചാണ് മത്സരിച്ചത്.
കൈകളില്ലാത്ത ഒരു അമ്പെയ്ത്ത് താരം ലോക ചാമ്പ്യൻഷിപ്പ് സ്വർണ്ണം നേടുന്നത് ഇത് രണ്ടാം തവണയാണ്. 2022-ല്‍ അമേരിക്കയുടെ മാറ്റ് സ്റ്റട്ട്സ്മാൻ ഈ നേട്ടം കൈവരിച്ചിരുന്നു. നേരത്തെ, ടോമൻ കുമാറിനൊപ്പം കോമ്പൗണ്ട് മിക്സഡ് ടീം ഇനത്തില്‍ ശീതള്‍ വെങ്കല മെഡല്‍ നേടിയിരുന്നു.
സരിതാ ദേവിക്കൊപ്പമുള്ള ടീം ഇനത്തില്‍ വെള്ളിയും നേടിയ ഷീതളിന്റെ ഈ സ്വർണമെഡല്‍ ഈ ചാമ്പ്യൻഷിപ്പിലെ താരത്തിന്റെ മൂന്നാമത്തെ മെഡലാണ്. ഈ നേട്ടം ഇന്ത്യക്ക് അഭിമാനകരവും ലോകമെമ്പാടുമുള്ള പാരാ കായികതാരങ്ങള്‍ക്ക് ഒരു മാതൃകയുമാണ്.
SUMMARY: Sheetal Devi creates history; wins gold at World Para Archery Championship
