ബെംഗളൂരു: സൗത്ത് ബാംഗ്ലൂര് മലയാളി അസോസിയേഷന്റെ ഈ വര്ഷത്തെ ഓണാഘോഷം “ഓണവില്ല് 2024” ബെന്നാര്ഘട്ട റോഡ് ടി ജോണ് കോളേജ് ഓഡിറ്റോറിയത്തില് ഒക്ടോബര് 20 ന് നടക്കും. രാവിലെ 7 മണി മുതല് 9 മണി വരെ പൂക്കള മത്സരവും, എട്ടുമണി മുതല് 9 മണി വരെ പായസം മത്സരവും നടക്കും. തുടര്ന്ന് അംഗങ്ങള് അവതരിപ്പിക്കുന്ന വിവിധ കലാപരിപാടികള് അരങ്ങേറും.
12 മണിക്ക് നടക്കുന്ന പൊതുസമ്മേളനം കര്ണാടക ഉപ മുഖ്യമന്ത്രി ഡി കെ ശിവകുമാര് ഉദ്ഘാടനം ചെയ്യും. കര്ണാടക ഗതാഗത മന്ത്രി രാമലിംഗ റെഡ്ഡി, എം.പി സിഎന് മഞ്ജുനാഥ്, എംഎല്എ മാരായ സതീഷ് കൃഷ്ണ സെയില്, എം കൃഷ്ണപ്പ,സതീഷ് റെഡ്ഡി, രാമോജി ഗൗഡ എംഎല്സി, ഗോകുലം ഗോപാലന്, വിവിധ ബോര്ഡ് ചെയര്മാന്മാരായ ജി കൃഷ്ണപ്പ ജിഎസ് മഞ്ജുനാഥ്, ഡോക്ടര് തോമസ്. പി.ജോണ്, ഫിറോസ് എം എ, റോയ് എം രാജു തുടങ്ങിയവര് പങ്കെടുക്കും. ഓണസദ്യ, മാജിക് ഷോ, ഐഡിയ സ്റ്റാര് സിംഗര് ഫെയിം ശിഖ പ്രഭാകര് നയിക്കുന്ന ഫ്യൂഷന് മ്യൂസിക്കല് നൈറ്റ് എന്നിവ ഉണ്ടാകും.
<BR>
TAGS : SBMA | ONAM-2024
SUMMARY : South Bangalore Malayalee Association Onangosham on 20th
