കണ്ണൂരില്‍ തെയ്യത്തിനു നേരെ കുരച്ചുചാടി തെരുവുനായ്ക്കള്‍

കണ്ണൂര്‍: കണ്ണൂരില്‍ തെയ്യക്കോലത്തിന് നേരെ കുരച്ചുചാടി തെരുവുനായ്ക്കള്‍. നടുവിലില്‍ ആണ് ആലക്കുന്ന് ചാമുണ്ഡിക്കു നേരെ തെരുവുനായ്ക്കള്‍ പാഞ്ഞടുത്തത്. ആചാരത്തിൻ്റെ ഭാഗമായി തറവാട്ടു ദേവസ്ഥാനം സന്ദർശിക്കാൻ ഒറ്റയ്ക്ക് പുറപ്പെട്ട തെയ്യക്കോലത്തിന് നേരെ തെരുവുനായ്ക്കള്‍ കുരച്ചുചാടുകയായിരുന്നു.

19 കാരനായ ആദിത്യനാഥായിരുന്നു കോലധാരി. ചിലമ്പ് കിലുക്കിയും ഒച്ചവെച്ചും തെയ്യം തെരുവുനായ്ക്കളെ ഓടിച്ചു. അകമ്പടിക്കാരോ വാദ്യക്കാരോ ഇല്ലാതെ ഒറ്റയ്ക്ക് തെയ്യം കെട്ടിയാടുന്ന ദേവസ്ഥാനത്ത് നിന്ന് പുലർച്ചെ മറ്റ് ക്ഷേത്രങ്ങളിലേക്കും തറവാട്ട് ദേവസ്ഥാനത്തേക്കും പോകുന്ന ചടങ്ങിനിടെ ആയിരുന്നു സംഭവം.

SUMMARY: Stray dogs bark at Theyyam in Kannur