പാലക്കാട്: മലമ്പുഴ ഡാമില് കുളിക്കാനിറങ്ങിയ വിദ്യാർഥിയെ കാണാതായി. സുഹൃത്തുക്കള്ക്കൊപ്പം കുളിക്കാനിറങ്ങിയ പാലക്കാട് ഇരട്ടയാലിലെ സ്വകാര്യ കോളേജ് വിദ്യാർഥിയാണ് ഡാമില് അകപ്പെട്ടത്. തെക്കെ മലമ്പുഴ മേഖലയില് ഇന്ന് വെകിട്ട് ആറുമണിയോടെയായിരുന്നു സംഭവം. ഡാമിലെത്തിയ വിദ്യാർഥികള് കുളിക്കാനിറങ്ങുകയായിരുന്നു. തിരികെ നീന്തി കരയില് കയറുന്നതിനിടെയാണ് വിദ്യാർഥിയെ കാണാതായത്.
തുടർന്ന് ഫയർഫോഴ്സിനെ വിവരമറിയ്ക്കുകയായിരുന്നു. എന്നാല് ഫയർഫോഴ്സ് തിരച്ചില് നടത്തിയെങ്കിലും വിദ്യാർഥിയെ കണ്ടെത്താനായില്ല. രാത്രിയായതിനാല് വെളിച്ചക്കുറവ് കാരണം തിരച്ചില് താല്ക്കാലികമായി നിർത്തിവച്ചു. നാളെ രാവിലെ സ്കൂബാ ഡൈവിങ് സംഘം അടക്കം എത്തി പരിശോധന തുടരുമെന്നാണ് ലഭിക്കുന്ന വിവരം. അതേസമയം, വിദ്യാർഥിയുമായി ബന്ധപ്പെട്ട കൂടുതല് വിവരങ്ങള് പുറത്തുവന്നിട്ടില്ല.
SUMMARY: Student goes missing after going for a bath in Malampuzha Dam
