ബെംഗളൂരു: സംസ്ഥാനത്ത് സാമൂഹിക, വിദ്യാഭ്യാസ സര്‍വേ നടക്കുന്നതിനാല്‍ സര്‍ക്കാര്‍, എയ്ഡഡ് സ്‌കൂളുകള്‍ക്കുള്ള ദസറ അവധി നീട്ടിയതായി മുഖ്യമന്ത്രി സിദ്ധരാമയ്യ അറിയിച്ചു. അവധി ഒക്ടോബര്‍ 18 വരെയാണ് നീട്ടിയത്. ചൊവ്വാഴ്ച വരെയുള്ള അവധിയാണ് നീട്ടിയത്. മിഡ്ടേം പരീക്ഷാ ഡ്യൂട്ടിയിലുള്ള അധ്യാപകര്‍ക്ക് സര്‍വേ ജോലികള്‍ നല്‍കില്ല.
ബെംഗളൂരുവില്‍ സര്‍വേ വെറും 36 ശതമാനം മാത്രമാണ് പൂര്‍ത്തിയായത്. ബെംഗളൂരുവില്‍ 6,700 അധ്യാപകര്‍ സര്‍വേ ജോലികളില്‍ ഏര്‍പ്പെട്ടിട്ടുണ്ട്. നഗരത്തില്‍ 46 ലക്ഷം കുടുംബങ്ങളുണ്ട്. ദീപാവലിക്ക് മുമ്പ് ബെംഗളൂരുവില്‍ സര്‍വേ പൂര്‍ത്തിയാക്കാന്‍ ആഗ്രഹിക്കുന്നതായി സിദ്ധരാമയ്യ പറഞ്ഞു.
SUMMARY: Survey: Dussehra holidays for schools extended in Karnataka
