കോഴിക്കോട്: കോഴിക്കോട് റെയില്‍വേ സ്‌റ്റേഷനില്‍ കെട്ടിടം തകര്‍ന്ന് വീണു. രണ്ടാമത്തെ പ്ലാറ്റ്‌ഫോമിലാണ് സംഭവം. നവീകരണ നിര്‍മ്മാണം നടന്നുകൊണ്ടിരിക്കുന്നതിനിടെയാണ് അപകടം. മൂന്നു മാസം മുമ്പ് കെട്ടിടത്തിന്റെ കാലപ്പഴക്കം കണ്ടെത്തിയിരുന്നെന്നും എന്നാല്‍ വേണ്ട നടപടിയെടുക്കാത്തതാണ് അപകടത്തിനു കാരണമെന്നും റിപോര്‍ട്ടുകളുണ്ട്. സംഭവത്തില്‍ ആളപായമൊന്നുമില്ല.
പ്രദേശത്ത് പെയ്യുന്ന കനത്ത മഴയാണ് അപകടത്തിന് കാരണമായത്. തകർന്നത് സ്റ്റേഷനിലെ സ്റ്റേഷൻ മാസ്റ്ററുടെ ഓഫീസ് അടക്കം പ്രവർത്തിച്ചിരുന്ന പഴയ കെട്ടിടമാണെന്ന് റിപ്പോർട്ടുകള്‍ സൂചിപ്പിക്കുന്നു.2, 3 ഫ്ലാറ്റ് ഫോംകളിലൂടെയുള്ള ട്രെയിൻ യാത്ര പൂർണ്ണമായും തടസ്സപ്പെട്ടു.റെയില്‍വേ അധികൃതർ സ്ഥലത്തെത്തി പരിശോധനകള്‍ നടത്തുകയും അന്വേഷണം ആരംഭിക്കുകയും ചെയ്തിട്ടുണ്ട്.
SUMMARY: The clock tower at Kozhikode railway station collapsed onto the platform
