ബെംഗളൂരു: ബെംഗളൂരുവിൽ ഇലക്ട്രിക് സ്കൂട്ടർ ഡിവൈഡറിൽ ഇടിച്ച് രണ്ട് മരണം. വ്യാഴാഴ്ച പുലർച്ചെ ദേവിനഗർ ബസ് സ്റ്റോപ്പിന് സമീപമുള്ള ഔട്ടർ റിംഗ് റോഡിലാണ് അപകടം. മരിച്ചവരെക്കുറിച്ചുള്ള വിവരങ്ങൾ നിലവിൽ ലഭ്യമല്ല. എന്നാൽ ഇവരിൽ ഒരാളുടെ പക്കൽ നിന്നും മൂർച്ചയേറിയ ആയുധങ്ങൾ കണ്ടെടുത്തിട്ടുണ്ടെന്ന് പോലീസ് പറഞ്ഞു.
ബിഇഎൽ സർക്കിളിൽ നിന്ന് ഹെബ്ബാളിലേക്ക് പോകുകയായിരുന്ന റോഡിൽ വെച്ചാണ് സ്കൂട്ടർ അപകടത്തിൽ പെട്ടത്. ഇരുവരും മദ്യപിച്ചിരുന്നതായാണ് പോലീസിന്റെ നിഗമനം. വാഹനം നിയന്ത്രണം വിട്ട് റോഡിൻ്റെ ഡിവൈഡറിൽ ഇടിച്ചതാകാമെന്നും പോലീസ് പറഞ്ഞു. ഹെബ്ബാൾ ട്രാഫിക് പോലീസ് സ്ഥലത്തെത്തി മൃതദേഹങ്ങൾ ബാപ്റ്റിസ്റ്റ് ആശുപത്രിയിലേക്ക് മാറ്റി. സംഭവത്തിൽ കേസെടുത്ത് അന്വേഷണം ആരംഭിച്ചു.
TAGS: BENGALURU | ACCIDENT
SUMMARY: Two dead after electric scooter crashes into divider
