തൃശൂർ: വാടനപ്പള്ളിയില് ബിജെപി പ്രവർത്തകർ നടത്തിയ കിറ്റ് വിതരണം യുഡിഎഫും എല്ഡിഎഫും ചേർന്ന് തടഞ്ഞതായി റിപ്പോർട്ട്. വാടനപ്പള്ളിക്ക് സമീപമുള്ള ആത്മാവ് ജംഗ്ഷനില് കിറ്റ് വിതരണം നടത്താൻ ശ്രമിക്കുമ്പോഴാണ് സംഭവം ഉണ്ടായത്. ഏകദേശം രണ്ടായിരത്തോളം കിറ്റുകള് വിതരണം ചെയ്യാൻ എത്തിച്ചതായി എല്ഡിഎഫ് ആരോപിച്ചു.
യുഡിഎഫ്-എല്ഡിഎഫ് പ്രവർത്തകർ സ്ഥലത്തെത്തിയതോടെ സൂപ്പർമാർക്കറ്റിന് മുന്നില് സംഘർഷാവസ്ഥ രൂപപ്പെട്ടു. നാട്ടുകാരുടെ വിവരം ലഭിച്ചെത്തിയതാണെന്നും കഴിഞ്ഞ ദിവസം ഏകദേശം 1500 കിറ്റുകള് വിതരണം ചെയ്തതായും അവർ ആരോപിച്ചു.
യുവമോർച്ച നേതാവിന്റെ നേതൃത്വത്തിലാണ് കിറ്റ് വിതരണം നടന്നതെന്നും ആരോപണം ഉയർന്നു. കിറ്റ് വിതരണം വഴി രാഷ്ട്രീയ നേട്ടം ലക്ഷ്യമിടുന്നതാണ് ബിജെപിയുടെ ശ്രമമെന്നും കഴിഞ്ഞ രണ്ട് ദിവസമായി ഇത്തരം പ്രവർത്തനം തുടരുകയാണെന്നും യുഡിഎഫ്-എല്ഡിഎഫ് പ്രവർത്തകർ മാധ്യമങ്ങളോട് പറഞ്ഞു.
ജനാധിപത്യത്തെ പണത്താല് സ്വാധീനിക്കാൻ ബിജെപി ശ്രമിക്കുന്നുവെന്ന് യുഡിഎഫ് സ്ഥാനാർത്ഥി ടി.എൻ. പ്രതാപൻ ആരോപിച്ചു. ശക്തമായ പ്രതിഷേധം തുടരുമെന്ന് എല്ഡിഎഫ് സ്ഥാനാർത്ഥി പ്രൊഫ. സി. രവീന്ദ്രനാഥ് അറിയിച്ചു. ഇതിന് മുമ്പ് ഒളരിയിലെ ഒരു സൂപ്പർമാർക്കറ്റിലും സമാനമായി കിറ്റ് വിതരണം നടന്നിരുന്നു. ആ സംഭവത്തില് പോലീസ് കേസെടുത്ത് കട സീല് ചെയ്തിരുന്നു.
SUMMARY: Voting kits also available in Vadanapilly; UDF and LDF protest, tense situation
WhatsApp
Telegram
