കോഴിക്കോട്: വഖഫ് ബോർഡ് ഭേദഗതിയുമായി ബന്ധപ്പെട്ട കേസ് റദ്ദാക്കി ഹൈക്കോടതി. ഭേദഗതിക്ക് മുൻകാല പ്രാബല്യം ഇല്ലെന്ന് ചൂണ്ടിക്കാട്ടിയാണ് കോഴിക്കോട് ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതിയില് നിലനിന്നിരുന്ന കേസ് ഹൈക്കോടതി റദ്ദാക്കിയത്. കോഴിക്കോട് പോസ്റ്റ് ഓഫീസ് ജീവനക്കാര്ക്കെതിരെയാണ് വഖഫ് ബോര്ഡിന്റെ അനുമതിയില്ലാതെ ഭൂമി കൈവശം വെച്ചുവെന്ന് ചൂണ്ടിക്കാട്ടി കേസ് എടുത്തത്.
2013-ലെ വഖഫ് നിയമഭേദഗതിയുടെ അടിസ്ഥാനത്തിലാണ് വഖഫ് ഭൂമി കൈവശം വയ്ക്കുന്നതിനെതിരെ ബോര്ഡ് നടപടി സ്വീകരിച്ചത്. എന്നാല് വഖഫ് നിയമ ഭേദഗതിക്ക് മുൻകാല പ്രാബല്യമില്ലെന്ന് ഹൈക്കോടതി വ്യക്തമാക്കി. നിയമഭേദഗതിക്കു മുമ്പ് കൈവശം വെച്ച ഭൂമിയുടെ പേരില് ക്രിമിനല് നടപടി സാധ്യമല്ലെന്നാണ് കോടതി നിരീക്ഷണം.
2017-ലാണ് വഖഫ് ബോര്ഡിന്റെ പരാതിയില് രണ്ട് പോസ്റ്റ് ഓഫീസ് ജീവനക്കാര്ക്കെതിരെ കോഴിക്കോട് മജിസ്ട്രേറ്റ് കോടതി കേസെടുക്കുന്നത്. ഈ നടപടിയെ ചോദ്യം ചെയ്തുകൊണ്ട് പോസ്റ്റ് ഓഫീസ് ജീവനക്കാര് ഹൈക്കോടതിയെ സമീപിക്കുകയായിരുന്നു.
TAGS : HIGH COURT
SUMMARY : The Waqf Act Amendment has no retrospective effect; High Court quashed the case
