കോഴിക്കോട്: കോഴിക്കോട് മെഡിക്കല് കോളേജ് ആശുപത്രിക്ക് സമീപം നിർത്തിയിട്ട ജീപ്പിനുള്ളില് യുവാവ് മരിച്ചനിലയില്. കോഴിക്കോട് കായക്കൊടി സ്വദേശി വിനു പ്രസാദ് ആണ് മരിച്ചത്. ഇന്ന് രാവിലെയാണ് മൃതദേഹം കണ്ടെത്തിയത്. മെഡിക്കല് കോളജ് മാതൃശിശു സംരക്ഷണ കേന്ദ്രത്തില് വിനു പ്രസാദിന്റെ ഭാര്യയെ പ്രസവത്തിനുവേണ്ടി പ്രവേശിപ്പിച്ചിരുന്നു.
ഭാര്യയ്ക്ക് കൂട്ടിരിപ്പിന് വേണ്ടിയാണ് വിനു പ്രസാദ് എത്തിയിരുന്നത്. മൃതദേഹം കോഴിക്കോട് മെഡിക്കല് കോളജ് മോര്ച്ചറിയിലേക്ക് മാറ്റി. സംഭവത്തില് മെഡിക്കല് കോളജ് പോലീസിന്റെ നേതൃത്വത്തില് അന്വേഷണം ആരംഭിച്ചു.
SUMMARY: Wife at Medical College for delivery; husband who accompanied her found dead in jeep
