കോട്ടയം: മീനച്ചിലാറ്റില്ച്ചാടി യുവതി ആത്മഹത്യ ചെയ്തു. വയല സ്വദേശിയും സ്വകാര്യ ആശുപത്രിയിലെ ജീവനക്കാരിയുമായ എമ്മി ഉദയ ആണ് മരിച്ചത്. ഫയർഫോഴ്സും സ്കൂബ സംഘവും ചേർന്ന് രണ്ടരമണിക്കൂറോളം നടത്തിയ തെരച്ചിലൊനൊടുവിലാണ് യുവതിയുടെ മൃതദേഹം കണ്ടെത്തിയത്.
ഇന്ന് രാവിലെ ഒമ്പത് മണിയോടെയാണ് പാല ചേർപ്പുങ്കല് പാലത്തില് നിന്ന് യുവതി വെള്ളത്തിലേക്ക് ചാടിയത്. നാട്ടുകാർ വിവരം അറിയച്ചതിനെ തുടർന്ന് പോലീസും ഫയർഫോഴ്സും സ്ഥലത്തെത്തി തെരച്ചില് ആരംഭിക്കുകയായിരുന്നു. യുവതി വെള്ളത്തിലേക്ക് ചാടിയ ഭാഗത്ത് നിന്ന് മൊബൈല്ഫോണ്, പഴ്സ്, ചെരുപ്പ് തുടങ്ങിയവ കണ്ടെത്തിയിരുന്നു.
ഇവയില് നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് മരണപ്പെട്ടയാളെ തിരിച്ചറിഞ്ഞത്. മൃതദേഹം പാലാ ജനറല് ആശുപത്രിയിലേക്ക് മാറ്റി. ആത്മഹത്യയ്ക്ക് പിന്നിലെ കാരണം വ്യക്തമല്ല. അസ്വഭാവിക മരണത്തിന് കേസെടുത്ത കിടങ്ങൂർ പോലീസ് അന്വേഷണം ആരംഭിച്ചു.
SUMMARY: Woman commits suicide by jumping into Meenachil river
