ബെംഗളൂരു: ഹെയർ ഡ്രയർ പൊട്ടിത്തെറിച്ചുണ്ടായ അപകടത്തിൽ യുവതിയുടെ കൈപ്പത്തി അറ്റു. ബാഗൽകോട്ട് ഇൽക്കൽ ടൗണിലാണ് സംഭവം. 2017ൽ ജമ്മു കശ്മീരിൽ വൈദ്യുത ഷോർട്ട് സർക്യൂട്ടിനെ തുടർന്ന് മരിച്ച സൈനികൻ പാപ്പണ്ണയുടെ ഭാര്യ ബസമ്മ യാർണലിന്റെ കൈപ്പത്തിയാണ് അറ്റുപോയത്.
മരിച്ച മറ്റൊരു സൈനികൻ്റെ ഭാര്യയും, ഇവരുടെ അയൽവാസിയുമായ ശശികലയുടെ പേരിൽ വന്ന പാർസലിലുണ്ടായ ഹെയർ ഡ്രയർ ആണ് പൊട്ടിത്തെറിച്ചത്. പാർസൽ വന്നപ്പോൾ ശശികല വീട്ടിലുണ്ടായിരുന്നില്ല. ഇതേതുടർന്ന് ബസമ്മയോട് പാർസൽ വാങ്ങിവെക്കാനും, ഹെയർ ഡ്രയർ ഉപയോഗിച്ച് നോക്കാനും ശശികല ആവശ്യപ്പെടുകയായിരുന്നു. എന്നാൽ സ്വിച്ച് ഓൺ ചെയ്തയുടൻ ഉപകരണം പൊട്ടിത്തെറിക്കുകയായിരുന്നു. ബസമ്മ നിലവിൽ ഇൽക്കലിലെ സ്വകാര്യ ആശുപത്രിയിൽ ചികിത്സയിലാണ്. സംഭവത്തിൽ ബാഗൽകോട്ട് പോലീസ് കേസെടുത്തു.
TAGS: KARNATAKA | ACCIDENT
SUMMARY: Deceased army man’s wife loses both palms after hair dryer explodes in her hands in Ilkal
