റെയില്വേയില് അപ്രന്റിസ് ഒഴിവുകളിലേക്ക് റെയില്വേ റിക്രൂട്ട്മെന്റ് സെല് (ആർആർസി), സെൻട്രല് റെയില്വേ വിജ്ഞാപനം. 2424 ഒഴിവുണ്ട്. ഡിവിഷനും ഒഴിവും: മുംബൈ ക്ലസ്റ്റർ : കാര്യേജ് & വാഗണ് (കോച്ചിംഗ്) വാദി ബന്ദർ– 258, കല്യാണ് ഡീസല് ഷെഡ്– 50, കുർള ഡീസല് ഷെഡ് — 60, സീനിയർ ഡിഇഇ (TRS) കല്യാണ് — 124, കുർള– 192, പരേല് വർക്ക്ഷോപ്പ് — 303, മാതുംഗ വർക്ക്ഷോപ്പ് — 547, എസ് ആൻഡ് ടി വർക്ക്ഷോപ്പ്, ബൈകുള — 60.
ഭൂസാവല് ക്ലസ്റ്റർ: കാര്യേജ് & വാഗണ് ഡിപ്പോ — 122, ഇലക്ട്രിക് ലോക്കോ ഷെഡ്, ഭൂസാവല് — 80, ഇലക്ട്രിക് ലോക്കോമോട്ടീവ് വർക്ക്ഷോപ്പ്, ഭൂസാവല് –118, മന്മദ് വർക്ക്ഷോപ്പ് — 51, ടിഎംഡബ്ല്യു നാസിക് റോഡ് — 47. പുണെ ക്ലസ്റ്റർ: കാര്യേജ് & വാഗണ് ഡിപ്പോ –31, ഡീസല് ലോക്കോ ഷെഡ് –121, ഇലക്ട്രിക് ലോക്കോ ഷെഡ് ഡൗണ്ട്– 40. നാഗ്പൂർ ക്ലസ്റ്റർ: ഇലക്ട്രിക് ലോക്കോ ഷെഡ്, അജ്നി–48, കാര്യേജ് & വാഗണ് ഡിപ്പോ– 63, മെല്പ് അജ്നി — 33. സോലാപൂർ ക്ലസ്റ്റർ: കാര്യേജ് & വാഗണ് ഡിപ്പോ — 55, കുർദുവാദി വർക്ക്ഷോപ്പ് — 21. യോഗ്യത: പത്താം ക്ലാസ് പരീക്ഷ കുറഞ്ഞത് 50% മാർക്കോടെ പൂർത്തിയാക്കിയിരിക്കണം.
കൂടാതെ, നാഷണല് കൗണ്സില് ഫോർ വൊക്കേഷണല് ട്രെയിനിങ് (എൻസിവിടി) അല്ലെങ്കില് സ്റ്റേറ്റ് കൗണ്സില് ഫോർ വൊക്കേഷണല് ട്രെയിനിങ് (എസ്സിവിടി) ദേശീയ ട്രേഡ് സർട്ടിഫിക്കറ്റ്. അപേക്ഷാ ഫീസ്: ജനറല്, ഇഡബ്ല്യുഎസ്, ഒബിസി : 100 രൂപ. എസ്സി, എസ്ടി, പിഡബ്ല്യുഡി, സ്ത്രീ: ഫീസില്ല. പ്രായപരിധി: 15 – 24 വയസ് (2024 ജൂലൈ 15 പ്രകാരം). നിയമാനുസൃത വയസ്സിളവ്. മെട്രിക്കുലേഷനിലും ഐടിഐയിലും ലഭിച്ച മാർക്കിന്റെ ശരാശരി എടുത്ത് തയ്യാറാക്കുന്ന മെറിറ്റ് ലിസ്റ്റിനെ അടിസ്ഥാനമാക്കിയായിരിക്കും തിരഞ്ഞെടുപ്പ്. വെബ്സെെറ്റ്: www.rrccr.com. ആഗസ്ത് 15ന് വെെകിട്ട് 5വരെ അപേക്ഷിക്കാം.
കായികതാരങ്ങള്ക്ക് അപേക്ഷിക്കാം
സൗത്ത് ഈസ്റ്റേണ് റെയില്വേയില് കായികതാരങ്ങള്ക്ക് അവസരം. ആകെ ഒഴിവ്: 49. ഗ്രൂപ്പ് ‘സി’ ലെവല് -2/ലെവല്- 3 — 16, ഗ്രൂപ്പ് ‘ഡി’ ലെവല് -1 — 33. യോഗ്യത: ഗ്രൂപ്പ് ‘സി’ ലെവല് -2/ലെവല് -3: പ്ലസ് 2 ജയം. ഗ്രൂപ്പ് ‘ഡി’ ലെവല് -1: പത്താം ക്ലാസ്/ഐടിഐ ജയം. പ്രായപരിധി: 18–25 വയസ് (01—01- –2025 പ്രകാരം). അപേക്ഷ ഫീസ്: യുആർ/ഒബിസി: 500 രൂപ. എസ്സി/എസ്ടി/വിമുക്തഭടൻ/വികലാംഗർ (പിഡബ്ല്യുഡി), സ്ത്രീകള്, ന്യൂനപക്ഷങ്ങള്, സാമ്പത്തിക പിന്നാക്ക വിഭാഗങ്ങള്: 250 രൂപ. -ഐപിഒ അല്ലെങ്കില് ബാങ്ക് ഡ്രാഫ്റ്റ് വഴി ഫീസടക്കാം. ഓണ്ലൈനായി അപേക്ഷിക്കുന്നതിനും ഫീസ് അടയ്ക്കുന്നതിനുമുള്ള അവസാന തീയതി :
ആഗസ്ത് 19ന് വൈകിട്ട് 6 വരെ (വടക്ക് കിഴക്കൻ സംസ്ഥാനങ്ങള്, സിക്കിം, ജമ്മു & കാശ്മീർ, ലാഹൗള് & സ്പിതി ജില്ല, പ്രദേശിലെ ഹിമാചല് പ്രദേശിലെ ചമ്ബ ജില്ല, ആൻഡമാൻ & നിക്കോബാർ ദ്വീപുകള്, ലക്ഷ്വദീപ് എന്നിവിടങ്ങളിലെ പാംഗി സബ് ഡിവിഷൻ എന്നിവിടങ്ങളില് ആഗസ്ത് 29-). വെബ്സൈറ്റ്: www.er.indianrailways.gov.in. സെൻട്രല് റെയില്വേയില് 62 ഒഴിവുണ്ട്. ലെവല് 5/4 – –- 5, ലെവല് 3/2 – –- 16, ലെവല് 1 –- 41. ആഗസ്ത് 21-ന് വൈകിട്ട് 6 വരെ അപേക്ഷിക്കാം. വെബ്സൈറ്റ്: www.rrccr.com.
സായുധ സേനകളില് 450 ഡോക്ടർ
ആംഡ് ഫോഴ്സസ് മെഡിക്കല് സർവീസസില് മെഡിക്കല് ഓഫീസർമാരെ തിരഞ്ഞെടുക്കുന്നു. ഷോർട്ട് സർവീസ് കമീഷൻ വ്യവസ്ഥകള് പ്രകാരമാണ് നിയമനം. 450 ഒഴിവുണ്ട് (പുരുഷൻ –- -338, വനിത –- -112). യോഗ്യത: എംബിബിഎസ് (പാർട്ട് -I, II) പരമാവധി രണ്ട് അവസരങ്ങള്ക്കുള്ളില് നേടിയിരിക്കണം. 2024 ആഗസ്ത് 15-നുള്ളില് ഇന്റേണ്ഷിപ്പ് പൂർത്തീകരിച്ചിരിക്കണം. കഴിഞ്ഞ രണ്ടുവർഷത്തിനുള്ളില് നീറ്റ് പിജി നേടിയിരിക്കണം (നിലവില് പിജിയുള്ള സിവിലിയൻ ഡോക്ടർമാർ ഒഴികെയുള്ളവർ). മെഡിക്കല് കൗണ്സില് രജിസ്ട്രേഷൻ ഉണ്ടായിരിക്കണം.
പ്രായം: എംബിബിഎസ് ബിരുദക്കാർ 1995 ജനുവരി രണ്ടിനോ അതിനുശേഷമോ ജനിച്ചവരും ബിരുദാനന്തര ബിരുദക്കാർ 1990 ജനുവരി രണ്ടിനോ അതിനുശേഷമോ ജനിച്ചവരുമായിരിക്കണം. നീറ്റ് പിജി എൻട്രൻസ് മാർക്കിന്റെ അടിസ്ഥാനത്തിലുള്ള ചുരുക്കപ്പട്ടികയനുസരിച്ച് അഭിമുഖം നടത്തിയായിരിക്കും തെരഞ്ഞെടുപ്പ്. ഡല്ഹിയിലാകും അഭിമുഖം നടത്തുക. ഫീസ്: 200 രൂപ. വിശദവിജ്ഞാപനം www.amcsscentry.gov.in വെബ്സൈറ്റില്. അവസാന തീയതി: ആഗസ്ത് 4.
TAGS : JOB VACCANCY | RAILWAY
SUMMARY : Work in Railways; 2424 Apprentice Vacancies
WhatsApp
Telegram
