ബെംഗളൂരു: ഐസ് ക്രീം നിർമാണ യൂണിറ്റിൽ നിന്ന് ഇളനീർ പാനീയം കുടിച്ചവർക്ക് ദേഹാസ്വാസ്ഥ്യം. മംഗളൂരു അഡയാറിലെ ഐസ്ക്രീം യൂണിറ്റിലാണ് സംഭവം. അഡയാർ, കണ്ണൂർ, തുമ്പേ എന്നിവിടങ്ങളിൽ നിന്നുള്ള നിരവധി പേരാണ് ഇവിടെ നിന്ന് ഇളനീർ പാനീയം കുടിച്ചത്. ഇവർക്കെല്ലാം ആരോഗ്യ പ്രശ്നങ്ങൾ റിപ്പോർട്ട് ചെയ്തിട്ടുണ്ട്.
ഛർദ്ദി, വയറിളക്കം എന്നിവ അനുഭവപ്പെട്ട 20ഓളം പേരാണ് വിവിധ ആശുപത്രികളിൽ ചികിത്സ തേടിയത്. നിലവിൽ 12 പേർ ഇപ്പോഴും ചികിത്സയിൽ കഴിയുകയാണ്. ബുധനാഴ്ച വാട്സ്ആപ്പ് വഴി പരാതി ലഭിച്ചതിനെ തുടർന്ന് ജില്ലാ ഹെൽത്ത് ഓഫീസർ ഡോ.തിമ്മയ്യയും ഭക്ഷ്യസുരക്ഷാ ഓഫീസറും ഐസ് ക്രീം നിർമാണ യൂണിറ്റിലെത്തി സാമ്പിളുകൾ ശേഖരിച്ച് പരിശോധനയ്ക്ക് അയച്ചു. ഫാക്ടറി താൽക്കാലികമായി അടച്ചുപൂട്ടി.
The post ഐസ് ക്രീം നിർമാണ യൂണിറ്റിൽ നിന്ന് പാനീയം കുടിച്ചവർക്ക് ദേഹാസ്വാസ്ഥ്യം appeared first on News Bengaluru.
Powered by WPeMatico
WhatsApp
Telegram
