തിരുവനന്തപുരം: സംസ്ഥാനത്ത് വിവിധ ട്രെയിനുകൾ വൈകിയോടുന്നു. ട്രാക്കിൽ മരം വീണതോടെ തിരുവനന്തപുരത്തേക്കുള്ള ട്രെയിനുകളും തിരുവനന്തപുരത്ത് നിന്ന് പുറപ്പെടേണ്ട ട്രെയിനുകളും വൈകി. തിരുവനന്തപുരം- കോഴിക്കോട് ജനശതാബ്ദി എക്സ്പ്രസ് ഇതുവരെ പുറപ്പെട്ടിട്ടില്ല. പെയറിങ് ട്രെയിൻ വൈകിയതാണ് കാരണം. പുലർച്ചെ 5.55ന് പുറപ്പെടേണ്ട ട്രെയിൻ 2 മണിക്കൂർ 50 മിനിറ്റ് വൈകി 8.45നാണ് തിരുവനന്തപുരത്തുനിന്ന് പുറപ്പെടുന്നത്.
കോഴിക്കോട് നിന്ന് ഇന്നലെ രാത്രി 9.30ന് എത്തേണ്ടയിരുന്ന ട്രെയിൻ ഇന്ന് പുലർച്ചെ 1.30നാണ് എത്തിയത്. ട്രാക്കുകളിൽ മരങ്ങൾ വീണ് ഗതാഗതം തടസപ്പെട്ടതാണ് ട്രെയിനുകൾ വൈകാൻ കാരണം. ഗുരുവായൂർ എക്സ്പ്രസ് രണ്ട് മണിക്കൂറും ഗുരുവായൂർ- തിരുവനന്തപുരം ഇന്റർസിറ്റി എക്സ്പ്രസ് ഒരു മണിക്കൂർ വൈകിയുമാണ് ഓടുന്നത്. എറണാകുളത്തിനും തിരുവനന്തപുരത്തിനുമിടയിലുള്ള ട്രാക്കിലാണ് കൂടുതലായി മരങ്ങൾ വീണ് ഗതാഗത തടസമുണ്ടായത്.
<BR>
TAGS: HEAVY RAIN KERALA, TRAINS DELAYED
SUMMARY : Heavy rains; Trains running late in the state
