ബെംഗളൂരു: കെആർ പുരം റെയിൽവേ സ്റ്റേഷനിൽ നിന്നും കെആർ പുരം മെട്രോ സ്റ്റേഷനിലേക്കുള്ള ഫൂട്ട് ഓവർ ബ്രിഡ്ജ് പൊതുജനങ്ങൾക്കായി തുറന്നു.
റെയിൽവേ പ്ലാറ്റ്ഫോം 4-ൽ നിന്ന് 100 മീറ്റർ അകലെയാണ് എഫ്ഒബി നിർമിച്ചിരിക്കുന്നത്. നിലവിൽ, യാത്രക്കാരുടെ വലിയ തിരക്കാണ് ഇരുസ്റ്റേഷനുകൾക്കുമിടയിലുള്ളത്. 700 മുതൽ 800 വരെ യാത്രക്കാർ പ്രതിദിനം ഇരുസ്റ്റേഷനുകൾക്കുമിടയിൽ യാത്ര ചെയ്യുന്നത്. റെയിൽവേ സ്റ്റേഷനിൽ നിന്ന് മെട്രോ ട്രെയിൻ കയറാനായി യാത്രക്കാർ റോഡിലേക്ക് അനിയന്ത്രിതമായി പോകുന്നത് പലപ്പോഴും അപകടത്തിനു കാരണമാകുന്നുണ്ട്.
എഫ്ഒബിക്ക് പുറമെ ഇരുസ്റ്റേഷനികളിലും ഓട്ടോ, ക്യാബുകൾ, മറ്റ് സൗകര്യങ്ങൾ എന്നിവയ്ക്കായി പാർക്കിംഗ് സോണുകൾ ഉണ്ടായിരിക്കും. ഇതിനായി രൂപരേഖ രൂപപ്പെടുത്തുന്നതിന് ബിഎംആർസിഎൽ ടെൻഡർ ക്ഷണിച്ചിട്ടുണ്ടെന്ന് ബെംഗളൂരു ഡിവിഷണൽ റെയിൽവേ മാനേജർ യോഗേഷ് മോഹൻ പറഞ്ഞു.
TAGS: BENGALURU | FOOT OVER BRIDGE
SUMMARY: Pathway from FOB ramp to KR Pura platform opened
