ബെംഗളൂരു: 2026 ലെ സിവില്‍ സര്‍വ്വീസസ് പരീക്ഷയ്ക്കുള്ള പരിശീലനം ബാംഗ്ലൂര്‍ കേരളസമാജം ഐഎഎസ് അക്കാദമിയില്‍ ആരംഭിച്ചു. ഇന്ദിരാ നഗര്‍ കൈരളീ നി കേതന്‍ എഡ്യൂക്കേഷന്‍ ട്രസ്റ്റില്‍ നടന്ന ചടങ്ങില്‍ കര്‍ണ്ണാടക സെന്റര്‍ ഫോര്‍ ഇഗവേണന്‍സ് ചീഫ് എക്‌സിക്യൂട്ടീവ് ഓഫീസര്‍ ഡോ. ദിലീഷ് ശശി ഉദ്ഘാടനം നിര്‍വഹിച്ചു. കേരള സമാജം പ്രസിഡണ്ട് സി.പി. രാധാകൃഷ്ണന്‍ അധ്യക്ഷത വഹിച്ചു.
കേരളസമാജം വൈസ് പ്രസിഡണ്ട് പി.കെ. സുധീഷ്, ട്രഷറര്‍ പി.വി.എന്‍ ബാലകൃഷ്ണന്‍, ജോയിന്റ് സെക്രട്ടറി അനില്‍കുമാര്‍ ഓ കെ, അസിസ്റ്റന്റ് സെക്രട്ടറി മുരളിധരന്‍ വി, കൈരളി നികേതന്‍ ട്രസ്റ്റ് പ്രസിഡണ്ട് സി. ഗോപിനാഥന്‍, വൈസ് പ്രസിഡന്റ് ബി അനില്‍ കുമാര്‍, ജനറല്‍ സെകട്ടറി ജെയ്‌ജോ ജോസഫ്, ട്രഷറര്‍ ഹരി കുമാര്‍ എന്നിവര്‍ സംബന്ധിച്ചു.
തുടര്‍ന്ന് അക്കാദമിയുടെ മുഖ്യ ഉപദേഷ്ടാവും കസ്റ്റംസ് അഡീഷണല്‍ കമ്മീഷണറുമായ പി.ഗോപകുമാര്‍ മാര്‍ഗ്ഗനിര്‍ദ്ദേശക ക്ലാസ്സെടുത്തു. പരീക്ഷക്കു വേണ്ട സമയബന്ധിതമായ തയ്യാറെടുപ്പും പത്രവായനയുടെ അനിവാര്യതയും അദ്ദേഹം വിശദീകരിച്ചു. അറുപതു മത്സരാര്‍ത്ഥികള്‍ പങ്കെടുത്തു.
പതിനഞ്ചു മാസത്തെ പരിശീലനത്തില്‍ പ്രിലിമിനറി, മെയിന്‍ പരീക്ഷകള്‍ക്ക് സമഗ്ര പരിശീലനം നല്‍കും.
നാളെ മുതല്‍ റഗുലര്‍ ക്ലാസുകള്‍ നടക്കും. ആഴ്ച ദിവസങ്ങളില്‍ വൈകിട്ട് ഏഴുമുതല്‍ ഒമ്പതുവരെ ഓണ്‍ലൈനായും ഞായറാഴ്ചകളില്‍ ഓഫ് ലൈനായും ക്ലാസുകള്‍ ഉണ്ടായിരിക്കുമെന്ന് സമാജം ജനറല്‍ സെക്രട്ടറി റജികുമാര്‍ അറിയിച്ചു.
ഫോണ്‍: 8431414491
<BR>
TAGS : CIVIL SERVICE EXAMINATION | KERALA SAMAJAM
SUMMARY : Kerala Samajam IAS Academy: New batch begins
