ബെംഗളൂരു: ബെംഗളൂരുവിലെ വേൾഡ് ട്രേഡ് സെൻ്ററിൽ നിന്ന് കോർപ്പറേറ്റ് ഓഫീസ് മാറ്റി ആമസോൺ. ബെംഗളൂരുവിലെ ആമസോണിൻ്റെ നിരവധി ജീവനക്കാരെ വലക്കുന്നതാണ് പുതിയ തീരുമാനം. ബെംഗളൂരു വിമാനത്താവളത്തിന് സമീപത്തേക്കാണ് ഓഫീസ് മാറ്റുന്നത്.
എന്നാൽ ഓഫിസ് പുതിയ സ്ഥലത്തേക്ക് മാറ്റുന്നത് ജീവനക്കാരുടെ യാത്രാസമയം വർധിപ്പിച്ചേക്കും. പകൽ സമയത്ത് 80 മിനിറ്റിലധികം യാത്രാ സമയം അധികമായി വേണ്ടിവരുമെന്നതാണ് ജീവനക്കാരുടെ ആശങ്ക. 2025 ഏപ്രിലിൽ ആരംഭിച്ച് 2026 ഏപ്രിലോടെ പൂർണമായി റീലൊക്കേറ്റ് ചെയ്യാനാണ് കമ്പനിയുടെ തീരുമാനം.
ആമസോണിൻ്റെ ചെലവ് ചുരുക്കൽ നടപടികളുടെ ഭാഗമായാണ് പുതിയ നീക്കം. പുതിയ സ്ഥലം, വാടക ഇനത്തിൽ നല്ലൊരു തുക കുറക്കാൻ കമ്പനിയെ സഹായിക്കും. വേൾഡ് ട്രേഡ് സെൻ്ററിൽ ഏകദേശം അര ദശലക്ഷം ചതുരശ്ര അടി ഓഫീസ് സ്ഥലമാണുള്ളത്. ഒരു ചതുരശ്ര അടിക്ക് 250 രൂപയാണ് ആമസോൺ നൽകുന്നത്. ഈ തുകയുടെ മൂന്നിലൊന്നിൽ താഴെ മാത്രമാണ് പുതിയ സ്ഥലത്ത് വാടകയായി നൽകേണ്ടി വരിക. ഉയരുന്ന പ്രവർത്തന ചെലവുകൾ വെട്ടിക്കുറയ്ക്കുന്നതിൻ്റെ ഭാഗമായാണ് നടപടി.
TAGS: BENGALURU | AMAZON
SUMMARY: Amazon fixes to relocate their office to bengaluru airport road
