ആലപ്പുഴ: 16കാരനെ ലൈംഗികമായി പീഡിപ്പിച്ച കേസില് 19കാരി അറസ്റ്റില്. കൊല്ലം ചവറ ശങ്കരമംഗലം സ്വദേശിനിയായ യുവതിയെ വള്ളികുന്നം പോലീസാണ് അറസ്റ്റ് ചെയ്തത്. ഡിസംബർ ഒന്നിന് യുവതി വീട്ടിൽ നിന്ന് കൂട്ടിക്കൊണ്ടു പോയെന്നും പിന്നീട് പല സ്ഥലങ്ങളിൽ താമസിപ്പിച്ച് പീഡിപ്പിച്ചുവെന്നും ഭരണിക്കാവ് സ്വദേശിയായ 16കാരന് മൊഴി നൽകിയിട്ടുണ്ട്.
ഇരുവരും മൈസൂരു, മാഹി, പാലക്കാട്, പളനി, മലപ്പുറം എന്നീ സ്ഥലങ്ങളില് ഒളിവില് താമസിച്ചതായി പോലീസ് പറയുന്നു. നേരത്തേ യുവതി മറ്റൊരു യുവാവുമായി പ്രണയത്തിലായിരുന്നു. യുവാവുമായുള്ള ബന്ധമറിഞ്ഞ വീട്ടുകാര് യുവതിയുടെ ബന്ധുകൂടിയായ 16കാരന്റെ വീട്ടില് താമസിപ്പിച്ചു.
ഇതിനിടയിലാണ് 16കാരനുമായി യുവതി വീടുവിട്ട് ഒളിവില് പോയത്. 16 കാരന്റെ മാതാവ് വള്ളികുന്നം പോലീസില് നല്കിയ പരാതിയില് നടത്തിയ അന്വേഷണത്തില് പത്തനംതിട്ട ബസ് സ്റ്റാന്ഡില് നിന്നാണ് ഇരുവരെയും പിടികൂടിയത്. പ്രതിയെ ഹരിപ്പാട് കോടതിയിൽ ഹാജരാക്കി റിമാൻഡ് ചെയ്തു.
<BR>
TAGS : RAPE | KOLLAM NEWS
SUMMARY : 19-year-old arrested for sexually assaulting 16-year-old
