ബെംഗളൂരു: പരിശീലനത്തിനിടെ രണ്ട് സൈനികർ ബോട്ട് മറിഞ്ഞ് മുങ്ങിമരിച്ചു. മഹാരാഷ്ട്രയിലെ തില്ലാരി നദി മുറിച്ചുകടക്കുന്നതിനിടെയാണ് സംഭവം. ബെളഗാവി ജെഎൽ വിംഗ് കമാൻഡോ ട്രെയിനിംഗ് സെൻ്ററിൽ ഇൻസ്ട്രക്ടർമാരായി സേവനമനുഷ്ഠിക്കുന്ന രാജസ്ഥാൻ സ്വദേശി വിജയകുമാർ ദിനാവൽ (28), പശ്ചിമ ബംഗാളിൽ നിന്നുള്ള ദിവാകർ റോയ് (26) എന്നിവരാണ് മരിച്ചത്.
പരിശീലനത്തിന്റെ ഭാഗമായി ആറ് സൈനികർ നദി മുറിച്ചുകടക്കാനായി ശ്രമിക്കുന്നതിനിടെയാണ് സംഭവം. ഇവർ സഞ്ചരിച്ച ബോട്ട് മറിയുകയായിരുന്നു. അപകടത്തിൽ പെട്ട ബാക്കിയുള്ള നാല് പേരെ രക്ഷപ്പെടുത്തി.
TAGS: KARNATAKA | DROWNED
SUMMARY: Two commandos drown during training exercise
