ബെംഗളൂരു: ബെംഗളൂരുവിൽ ബിഎംടിസി ബസിടിച്ച് മാൾ ജീവനക്കാരൻ മരിച്ചു. മൈസൂരു സ്വദേശി കെആർ പുരം നിസർഗ ലേഔട്ടിൽ താമസക്കാരനായ ജെ. എൻ.സുപ്രീത് (33) ആണ് മരിച്ചത്. നഗരത്തിലെ സ്വകാര്യ മാൾ ജീവനക്കാരനാണ് സുപ്രീത്.
ഇരുചക്രവാഹനത്തിന് സമീപം നിൽക്കുകയായിരുന്ന സുപ്രീതിനെ ബിഎംടിസി ബസ് പിന്നിൽ നിന്ന് ഇടിക്കുകയായിരുന്നു. ഓൾഡ് മദ്രാസ് റോഡിലെ ഐടിഐ ജംഗ്ഷന് സമീപമായിരുന്നു അപകടം. കെആർ പുരം ഭാഗത്തേക്കു പോവുകയായിരുന്ന ബിഎംടിസി ബസാണ് സുപ്രീതിനെ ഇടിച്ചത്.
നാട്ടുകാർ ഉടൻ ഇയാളെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സുപ്രീതിന്റെ ഭാര്യ ഈശ്വരിയുടെ പരാതിയിൽ കെആർ പുരം പോലീസ് ഡ്രൈവര്‍ക്കെതിരെ കേസ് രജിസ്റ്റർ എടുത്തു. അപകടത്തിനിടെയാക്കിയ ബിഎംടിസി ബസ് പോലീസ് പിടിച്ചെടുത്തു.
TAGS: BENGALURU | ACCIDENT
SUMMARY: BMTC bus crushes man to death
