ബെംഗളൂരു: ബെംഗളൂരുവിലെ തിരക്കേറിയ റോഡിലിറങ്ങി പുലിക്കുഞ്ഞ്. കനകപുര റോഡിൽ തുരഹള്ളി വനമേഖലയ്ക്ക് സമീപമുള്ള റോഡിലാണ് പുലിക്കുഞ്ഞിനെ കണ്ടത്. വനത്തിൽനിന്ന് പുലിക്കുഞ്ഞ് അബദ്ധത്തിൽ റോഡിലേക്ക് ഇറങ്ങിയതാവാം എന്നാണ് പ്രാഥമിക നിഗമനം. പുലിക്കുഞ്ഞിനെ കണ്ടതോടെ പ്രദേശവാസികളും യാത്രക്കാരും പരിഭ്രാന്തിയിലായി.
ഏറെ വാഹനത്തിരക്കുള്ള സ്ഥലമാണ് തുരഹള്ളി പ്രദേശം. പുലിക്കുഞ്ഞിനെ കണ്ടതോടെ തിരക്ക് വീണ്ടും കൂടി. ഇതിനിടയിൽ രക്ഷപ്പെടുന്നതിനായി റോഡിലൂടെ അങ്ങോട്ടുമിങ്ങോട്ടും ഓടുന്നതിനിടയില്‍ പുലിക്കുഞ്ഞിനെ കാറ് തട്ടി.
#WATCH | A leopard cub was safely rescued from near the Turahalli reserve forest in Bengaluru today after it was seen crossing the road amid traffic movement#Karnataka pic.twitter.com/EssiAcTmpC
— ANI (@ANI) April 3, 2024
ബന്നാർഘട്ടയിലെ വനം വകുപ്പ് ഉദ്യോഗസ്ഥരെത്തി പുലിക്കുഞ്ഞിനെ സുരക്ഷിതമായി മാറ്റി. കാറിടിച്ചതിനാൽ പരുക്കുകളുണ്ടെന്ന് വനംവകുപ്പ് ഉദ്യോഗസ്ഥർ അറിയിച്ചു. പ്രാഥമിക ചികിത്സ നൽകിയ ശേഷം വന്നത്തിലേക്ക് തുറന്നുവിടും.
The post ബെംഗളൂരുവിലെ തിരക്കേറിയ റോഡിലിറങ്ങി പുലിക്കുഞ്ഞ്; പരിഭ്രാന്തരായി ജനം appeared first on News Bengaluru.
Powered by WPeMatico
