ബെംഗളൂരു: ഉത്തരാഖണ്ഡിൽ ട്രക്കിങ്ങിനെയുണ്ടായ അപകടത്തിൽ മരിച്ചവരുടെ എണ്ണം ഒമ്പതായി ഉയർന്നു. സഹസ്ത്ര താൽ ട്രെക്കിംഗിനിടെ, കൊടുമുടിയിൽ നിന്ന് ബേസ് ക്യാമ്പിലേക്ക് മടങ്ങുമ്പോൾ ഹിമപാതത്തിൽ കുടുങ്ങിയായിരുന്നു അപകടം. മരിച്ച ഒമ്പത് പേരും ബെംഗളൂരു സ്വദേശികളാണെന്നാണ് വിവരം.
ട്രക്കർമാരും ഗൈഡുകളും ഉൾപ്പെടെ 22 പേരാണ് സംഘത്തിലുണ്ടായിരുന്നത്. നിലവിൽ കർണാടക സർക്കാർ, ഇന്ത്യൻ എയർഫോഴ്സ്, ഉത്തരകാശി ജില്ലാ ഭരണകൂടം, ഉത്തരാഖണ്ഡ് സർക്കാർ, കേന്ദ്ര ആഭ്യന്തര വകുപ്പ് എന്നിവരുടെ നേതൃത്വത്തിൽ രക്ഷാപ്രവർത്തനം നടത്തിവരികയാണ്. ഇതുവരെ സിവിൽ ഹെലികോപ്റ്ററുകൾ വഴി 13 പേരെ രക്ഷപ്പെടുത്തി. രക്ഷാപ്രവർത്തനങ്ങൾ ഏകോപിപ്പിക്കാൻ റവന്യൂ മന്ത്രി കൃഷ്ണ ബൈരെ ഗൗഡ ഉത്തരാഖണ്ഡിലെത്തി.
KEYWORDS: Nine dead in uttarakhand incident
