ബെംഗളൂരു: ഗ്രാനൈറ്റ് ക്വാറിയിൽലുണ്ടായ സ്ഫോടനത്തിൽ ഒരാൾ മരിച്ചു. റായ്ച്ചൂർ ജില്ലയിലെ ലിംഗസുഗുരിനടുത്തുള്ള മകാപൂരിൽ ശനിയാഴ്ച വൈകീട്ടാണ് സ്ഫോടനമുണ്ടായത്. ബാഗൽകോട്ട് ഇൽക്കൽ സ്വദേശിയായ വെങ്കിടേഷ് (38) ആണ് മരിച്ചത്. അപകടത്തിൽ മറ്റൊരു തൊഴിലാളിക്ക് പരുക്കേറ്റു. കോപ്പാൾ കുഷ്ടഗി സ്വദേശിയായ മഹാലിംഗിനാണ് ഗുരുതരമായി പരുക്കേറ്റത്. ഇയാളെ സമീപത്തെ ആശുപത്രിയിൽ പ്രവേശിപ്പിച്ചു.
ക്വാറി നിയമവിരുദ്ധമായാണ് പ്രവർത്തിച്ചിരുന്നതെന്ന് പോലീസ് പറഞ്ഞു. സ്ഫോടനം ഉണ്ടായ ശേഷം ഉടമകൾ പോലീസിനെ വിവരമറിയിച്ചിരുന്നില്ല. മാത്രമല്ല, അപകടം സാധാരണമാണെന്ന് വരുത്തിതീർക്കാൻ മരിച്ച വെങ്കിടേഷിന്റെ മൃതദേഹം ബാഗൽകോട്ടിലേക്ക് മാറ്റിയിരുന്നു. എന്നാൽ ഇയാളുടെ ബന്ധുക്കൾ വിവരമറിയിച്ചതിനെ തുടർന്ന് പോലീസ് എത്തുകയും മൃതദേഹം പിന്നീട് പോസ്റ്റ്‌മോർട്ടത്തിനായി മുദ്ഗലിലെ സർക്കാർ ആശുപത്രിയിലേക്ക് കൊണ്ടുപോകുകയുമായിരുന്നു. സംഭവത്തിൽ മുദ്ഗൽ പോലീസ് കേസെടുത്തു.
TAGS: KARNATAKA | BLAST
SUMMARY: One dies in blast at granite quarry
