കോട്ടയം: ചങ്ങനാശേരി തൃക്കൊടിത്താനത്ത് ചൂണ്ടയിടാൻ പോയ രണ്ടു കുട്ടികള് കുളത്തില് മുങ്ങി മരിച്ചു. മാടപ്പള്ളി പൊൻപുഴക്കുന്നില് താമസിക്കുന്ന ആദർശ്, അഭിനവ് എന്നിവരാണ് മരിച്ചത്. ശനിയാഴ്ച ചെമ്പുംപുറത്ത് പാറക്കുളത്തില് വീണായിരുന്നു അപകടം. ചൂണ്ടയിടാൻ എത്തിയ കുട്ടികളില് ഒരാള് കാല്വഴുതി കുളത്തില് വീഴുകയും രക്ഷിക്കാൻ ശ്രമിക്കവേ രണ്ടാമത്തെയാള് വെള്ളത്തില് വീഴുകയുമായിരുന്നു.
ചങ്ങനാശ്ശേരി ഫയർഫോഴ്സും നാട്ടുകാരും ചേർന്ന് നടത്തിയ തിരച്ചിലില് മൃതദേഹങ്ങള് പാറക്കുളത്തില്നിന്ന് പുറത്തെടുത്തു. മൃതദേഹങ്ങള് ചങ്ങനാശ്ശേരി ജനറല് ആശുപത്രിയിലേക്ക് മാറ്റി. അഭിനവ് ആറാം ക്ലാസ് വിദ്യാർഥിയാണ്. പത്താം ക്ലാസ് വിദ്യാർത്ഥിയാണ് ആദർശ്.
TAGS: CHILDREN| DEATH|
SUMMARY: Two children died
