ബെംഗളൂരു: മലയാളി വിദ്യാര്ഥിയെ ബെംഗളൂരുവില് മരിച്ച നിലയില് കണ്ടെത്തി. വയനാട് മേപ്പാടി സ്വദേശി തറയില് ഹൗസ് നിഷാദിന്റെ മകന് മുഹമ്മദ് ഷാമില് (23) നെയാണ് രാജാനുകുംട്ടെയിലെ താമസസ്ഥലത്ത് മരിച്ച നിലയില് കണ്ടെത്തിയത്. രാമയ്യ കോളേജിലെ ബിബിഎ മൂന്നാം വര്ഷ വിദ്യാര്ഥിയാണ് ഷാമില്. മുറി തുറക്കാത്തതില് സംശയിച്ച സുഹൃത്തുക്കള് ഉടനെ പോലീസിനെ വിവരമറിയിക്കുകയായിരുന്നു.
പോലീസ് ഇന്ക്വസ്റ്റ് ചെയ്ത മൃതദേഹം ഡോ. ബി.ആര് അംബേദ്കര് ആശുപത്രിയില് പോസ്റ്റ്മോര്ട്ടം ചെയ്തു. ഓള് ഇന്ത്യ കെഎംസിസി പ്രവര്ത്തകരുടെ നേതൃത്വത്തില് അന്ത്യകര്മങ്ങള് ചെയ്തശേഷം മൃതദേഹം നാട്ടിലേക്ക് കൊണ്ടുപോയി. മാതാവ്: വഹീത. സഹോദരങ്ങള്: അഫ്രിന് മുഹമ്മദ്, തന്വീര് അഹമ്മദ്. ഖബറടക്കം ഇന്ന് രാത്രി 9 മണിയോടെ മേപ്പാടി വലിയ ജുമാ മസ്ജിദ് ഖബര്സ്ഥാനില് നടക്കും.
<br>
TAGS : DEATH | MALAYALI STUDENT
SUMMARY : A Malayali student was found dead at his residence
