മേട മാസ- വിഷു പൂജകള്ക്കായി ശബരിമല ശ്രീ ധർമ്മശാസ്താ ക്ഷേത്ര നട തുറന്നു. ബുധനാഴ്ച വൈകുന്നേരം 5 മണിക്ക് ക്ഷേത്ര തന്ത്രി കണ്ഠരര് മഹേഷ് മോഹനരുടെ മുഖ്യകാർമികത്വത്തില് ക്ഷേത്രമേല്ശാന്തി പി.എൻ. മഹേഷ് നമ്പൂതിരി ക്ഷേത്ര ശ്രീകോവില് നട തുറന്ന് ദീപങ്ങള് തെളിക്കുകയായിരുന്നു.
ശേഷം ഗണപതി, നാഗര് എന്നീ ഉപദേവതാ ക്ഷേത്ര നടകളും മേല്ശാന്തി തുറന്ന് വിളക്കുകള് തെളിച്ചു. ശേഷം തന്ത്രി ഭക്തർക്ക് വിഭൂതി പ്രസാദം വിതരണം ചെയ്തു. പതിനെട്ടാം പടിക്ക് മുന്നിലായുള്ള ആഴിയില് മേല് ശാന്തി അഗ്നി തെളിച്ചതോടെ ഇരുമുടി കെട്ടുമായി അയ്യപ്പഭക്തർ ശരണം വിളികളോടെ പതിനെട്ടാം പടി കയറി അയ്യനെ ദർശിച്ചു വണങ്ങി.
മാളികപ്പുറം മേല്ശാന്തി മുരളി നമ്പൂതിരി മാളികപ്പുറം ക്ഷേത്ര നട തുറന്ന് ഭക്തർക്ക് മഞ്ഞള്പ്പൊടി പ്രസാദം വിതരണം ചെയ്തു. ഇന്ന് പ്രത്യേക പൂജകള് ഒന്നും തന്നെ ഇരു ക്ഷേത്രങ്ങളിലും ഉണ്ടായിരുന്നില്ല. വ്യാഴാഴ്ച പുലർച്ചെ 5 മണിക്ക് ക്ഷേത്രനട തുറക്കും. വ്യാഴാഴ്ച മുതല് നെയ്യഭിഷേകം ഉണ്ടായിരിക്കും.
മേടം ഒന്നായ ഏപ്രില് 14 ന് പുലർച്ചെ 3 മണിക്ക് തിരുനട തുറക്കും. തുടർന്ന് വിഷുക്കണി ദർശനവും കൈനീട്ടം നല്കലും. പിന്നേട് പതിവ് അഭിഷേകവും നെയ്യഭിഷേകവും ഗണപതി ഹോമവും നടക്കും. പൂജകള് പൂർത്തിയാക്കി ഏപ്രില് 18 ന് തിരുനട അടയ്ക്കും.
The post മേട മാസ- വിഷു പൂജകള്ക്കായി ശബരിമല നട തുറന്നു appeared first on News Bengaluru.
Powered by WPeMatico
WhatsApp
Telegram
