ദിസ്പുർ: അസമിലെ ദിഗാരുവിൽ പാസഞ്ചർ ട്രെയിൻ പാളം തെറ്റി. കൊൽക്കത്തയിൽ നിന്ന് മിസോറാമിലേക്ക് സർവീസ് നടത്തിയ 13125-ാം നമ്പർ കൊൽക്കത്ത – സൈറങ് (മിസോറാം) എക്സ്പ്രസ് ട്രെയിനിന്റെ അഞ്ച് കോച്ചുകളാണ് ഇന്ന് രാവിലെയോടെ പാളം തെറ്റിയത്. യാത്രക്കാരെല്ലാം സുരക്ഷിതരാണെന്നും കുറച്ചുപേർക്ക് മാത്രം നിസാര പരുക്കേറ്റെന്നും റെയിൽവേ അധികൃതർ അറിയിച്ചു.
#WATCH | Assam: A locomotive and five coaches of the Kolkata-Sairang Express (Train No. 13125) derailed at Digaru Railway Station in Kamrup (Metro) district at around 6:54 am today.
According to Northeast Frontier Railway, all passengers are safe, and no injuries have been reported. Passengers are being transported to their destinations by an alternative train. Relief and rescue operations have been launched.
(Visuals from the spot)
— ANI (@ANI) November 11, 2026
ലോക്കോ പൈലറ്റിന് സംഭവിച്ച പിഴവാണ് അപകട കാരണമെന്നാണ് റെയിൽവേയുടെ വിശദീകരണം. മറ്റൊരു ട്രെയിനിന് കടന്നുപോകാൻ വഴിനൽകാൻ ട്രെയിൻ ശ്രമിച്ചെങ്കിലും “ലോക്കോ പൈലറ്റിന്” വേഗത നിയന്ത്രിക്കാൻ കഴിയാതെ വരികയും, തുടർന്ന് എഞ്ചിനും അഞ്ച് കോച്ചുകളും പാളം തെറ്റുകയുമായിരുന്നു എന്ന് റെയിൽവേ അറിയിച്ചു. യാത്രക്കാരെ മറ്റൊരു ട്രെയിനിൽ ലക്ഷ്യസ്ഥാനങ്ങളിലേക്ക് എത്തിക്കുകയാണെന്ന് റെയിൽവേ പറഞ്ഞു. പരുക്കേറ്റവരെ ആശുപത്രിയിൽ എത്തിച്ചു.
നോർത്ത് ഈസ്റ്റ് ഫ്രോണ്ടിയർ റെയിൽവേ ജനറൽ മാനേജർ ഉൾപ്പെടെയുള്ള ഉന്നത ഉദ്യോഗസ്ഥർ സംഭവസ്ഥലത്തെത്തി ഗതാഗതം പുനഃസ്ഥാപിക്കാനും പാളം മാറ്റി സ്ഥാപിക്കാനുമുള്ള അടിയന്തര നടപടികൾക്ക് നേതൃത്വം നൽകിവരുന്നു. സംഭവത്തെക്കുറിച്ച് വിശദമായ അന്വേഷണം നടത്താൻ റെയിൽവേ ഉത്തരവിട്ടിട്ടുണ്ട്.
SUMMARY: Passenger train derails in Assam; major disaster narrowly averted
