തിരുവനന്തപുരം: കേരള സർവകലാശാല യൂണിയൻ തിരഞ്ഞെടുപ്പിന് പിന്നാലെ വിദ്യാർഥി സംഘർഷം. എസ് എഫ് ഐ- കെ എസ് യു പ്രവർത്തകർ ചേരിതിരിഞ്ഞ് തമ്മിൽ തല്ലി. പോലീസ് ലാത്തി വീശി. പ്രവർത്തകരെ പ്രദേശത്ത് നിന്ന് നീക്കാനുള്ള ശ്രമങ്ങൾ നടന്നുവരികയാണ്.
തിരഞ്ഞെടുപ്പ് ഫലം വന്നതിന് പിന്നാലെയാണ് സംഘര്ഷം തുടങ്ങിയത്. പോലീസ് ലാത്തി വീശിയതിനെ തുടര്ന്ന് കെഎസ്യു പ്രവര്ത്തകരും പോലീസും തമ്മില് ഉന്തും തള്ളുമുണ്ടായി. ഒടുവില് സംഘര്ഷം ക്യാമ്പസിന് പുറത്തേക്കും വ്യാപിച്ചു. ക്യാമ്പസിന് പുറത്ത് എസ്എഫ്ഐ പ്രവര്ത്തകരും കെഎസ്യു പ്രവര്ത്തകരും പരസ്പരം കല്ലെറിഞ്ഞ് സംഘര്ഷമുണ്ടാക്കി. കെഎസ്യു പ്രവര്ത്തകര്ക്ക് നേരെ എസ്എഫ്ഐ പ്രവര്ത്തകര് കൂകി വിളിച്ചു. പോലീസ് സംരക്ഷണം തേടുന്നുവെന്ന് പറഞ്ഞായിരുന്നു കൂവി വിളിച്ചതെന്നാണ് കെഎസ്യുവിന്റെ ആരോപണം. സ്ഥിതിഗതികൾ നിയന്ത്രണവിധേയമാകാത്ത സാഹചര്യമാണ് നിലവിലുള്ളത്. നിരവധി വിദ്യാർഥികൾക്ക് പരുക്കേറ്റിട്ടുണ്ട്.
സർവകലാശാല യൂണിയൻ എസ്എഫ്ഐ നിലനിർത്തിയെങ്കിലും വൈസ്ചെയർപേഴ്സൺ സ്ഥാനം എസ്എഫ്ഐക്ക് നഷ്ടമായി. പത്ത് വർഷത്തിന് ശേഷമാണ് ഒരു ജനറൽ സീറ്റിൽ കെ.എസ്.യു. വിജയിക്കുന്നത്.
<br>
TAGS : SFI-KSU CONFLICT | KERALA UNIVERSITY
SUMMARY : SFI-KSU conflict in Kerala University after union elections; Police lathicharged
