ബെംഗളൂരു: മംഗളൂരുവിലേക്ക് വന്ദേ ഭാരത് സ്ലീപ്പർ ട്രെയിൻ സർവീസുകൾ അനുവദിക്കുമെന്ന് കേന്ദ്ര റെയിൽവേ സഹമന്ത്രി വി. സോമണ്ണ അറിയിച്ചു. അടുത്ത രണ്ട് മാസത്തിനുള്ളിൽ, വന്ദേ ഭാരത് സ്ലീപ്പർ കോച്ചുകൾ തയ്യാറാകും. ഈ സർവീസ് മംഗളൂരുവിലേക്കും അനുവദിക്കാനാണ് തീരുമാനമെന്ന് അദ്ദേഹം പറഞ്ഞു. മംഗളൂരു സെൻട്രൽ-കബക്ക പുത്തൂർ പാസഞ്ചറിന്റെ സുബ്രഹ്മണ്യ റോഡ് സ്റ്റേഷനിലേക്കുള്ള വിപുലീകൃത സർവീസുകളുടെ ഫ്ലാഗ് ഓഫ് പരിപാടിയിൽ സംസാരിക്കുകയായിരുന്നു അദ്ദേഹം.
നിലവിലുള്ള മംഗളൂരു സെൻട്രൽ-മഡ്ഗാവ് വിബി എക്സ്പ്രസ് മുംബൈയിലേക്ക് നീട്ടണമെന്ന തീരദേശ കർണാടക എംപിമാരുടെ ആവശ്യം പരിഗണിക്കുമെന്നും അദ്ദേഹം പറഞ്ഞു. മംഗളൂരു-ബെംഗളൂരു റൂട്ടിലെ ഷിരാഡി ഘട്ട് ടണൽ റോഡിൽ റെയിൽവേ ലൈനും ഹൈവേയും സംയോജിപ്പിക്കണമെന്ന ദക്ഷിണ കന്നഡ എംപി ക്യാപ്റ്റൻ ബ്രിജേഷ് ചൗട്ടയുടെ ആവശ്യവും കേന്ദ്രം പരിഗണിക്കുമെന്നും അദ്ദേഹം കൂട്ടിച്ചേർത്തു.
TAGS: KARNATAKA | VANDE BHARAT SLEEPER
SUMMARY: Mangaluru to get Vande Bharat Sleeper Express soon after its launch
WhatsApp
Telegram
