കോഴിക്കോട്: കോഴിക്കോട് കൊടുവള്ളിയില്‍ വാഹനത്തിന് നേരെ ആക്രമണം. വിവാഹത്തിനെത്തിയ ബസിനുനേരെയാണ് ആക്രമണം ഉണ്ടായത്. ആക്രമണത്തില്‍ ബസിന്റെ ചില്ലുകള്‍ തകർന്നു. ബസിന്റെ ഡ്രൈവർക്കും സഹായിക്കും പരുക്കേറ്റു. ക്രിമിനല്‍ പശ്ചാത്തലമുള്ള സംഘമാണ് ബസിനുനേരെ ആക്രമണം നടത്തിയത് എന്നാണ് കൊടുവള്ളി പോലീസ് പറയുന്നത്.
സംഭവത്തില്‍ നിരവധി ക്രിമിനല്‍ കേസുകളില്‍ ഉള്‍പ്പെട്ട ഷമീറിനെയും, ഇയാളുടെ കൂടെ ഉണ്ടായിരുന്ന മറ്റൊരാളെയും പോലീസ് കസ്റ്റഡിയിലെടുത്തു. റോഡില്‍ ബസ് നിർത്തിയതുമായി ബന്ധപ്പെട്ട തർക്കം അക്രമത്തില്‍ കലാശിക്കുകയായിരുന്നു. ബസിന് നേരെ സ്ഫോടക വസ്തു എറിഞ്ഞ് പരിഭ്രാന്തി സൃഷ്ട്ടിക്കാൻ ശ്രമിച്ചെന്നും മാരകായുധങ്ങള്‍ ഉപയോഗിച്ചെന്നും നാട്ടുകാർ പറഞ്ഞു.
TAGS : KOZHIKOD
SUMMARY : Attack on wedding bus; two arrested
