ബെംഗളൂരു: കോപ്പാളിലെ സർക്കാർ സ്കൂളിൽ നിന്നും ഉച്ചഭക്ഷണം കഴിച്ച 35 വിദ്യാർഥികൾക്ക് ഭക്ഷ്യവിഷബാധയേറ്റു. സംഗാപുര ഗ്രാമത്തിലെ സർക്കാർ സ്കൂളിൽ ഒന്നുമുതൽ ആറുവരെയുള്ള ക്ലാസുകളിലെ വിദ്യാർഥികൾക്കാണ് ഛർദിയും വയറിളക്കവുമുണ്ടായത്. ഇവരെ താലൂക്ക് ആശുപത്രിയിൽ പ്രവേശിപ്പിച്ചു.
സ്കൂളിൽ ഇതിനു മുമ്പും ഭക്ഷ്യവിഷബാധ റിപ്പോർട്ട്‌ ചെയ്തിട്ടുണ്ട്. വിദ്യാഭ്യാസവകുപ്പിലെയും ആരോഗ്യവകുപ്പിലെയും മുതിർന്ന ഉദ്യോഗസ്ഥർ സ്കൂളിലെത്തി പരിശോധന നടത്തി കുട്ടികൾക്ക് വിതരണംചെയ്ത ഭക്ഷണത്തിന്റെയും വെള്ളത്തിന്റെയും സാംപിൾ ശേഖരിച്ചു.
ഇത് പരിശോധനക്ക് അയച്ചതായും റിപ്പോർട്ട്‌ വന്ന ശേഷം നടപടി എടുക്കുമെന്നും വിദ്യാഭ്യാസ വകുപ്പ് അറിയിച്ചു. സംഭവത്തിൽ 20 വിദ്യാർഥികളെ പ്രാഥമികചികിത്സ നൽകി വീട്ടിലേക്കയച്ചെങ്കിലും 15 വിദ്യാർഥികൾ ആശുപത്രിയിൽ നിരീക്ഷണത്തിലാണ്.
The post സർക്കാർ സ്കൂളിൽ ഉച്ചഭക്ഷണം കഴിച്ച 35 വിദ്യാർഥികൾക്ക് ഭക്ഷ്യവിഷബാധ appeared first on News Bengaluru.
Powered by WPeMatico
