ബെംഗളൂരു: ഹൊസൂർ കൈരളി സമാജം ‘ഒരുമയുടെ ഓണം 2024’- ൻ്റെ ഭാഗമായുളള കായിക മത്സരങ്ങൾ നാളെ രാവിലെ 09:30 ന് അദിയമ്മൻ എഞ്ചിനീയറിങ്ങ് കോളേജ് ഗ്രൗണ്ടിൽ നടക്കും. മുൻ കായിക മന്ത്രി ബാലകൃഷ്ണ റെഡ്ഡി ഉദ്ഘാടനം ചെയ്യും. സമാജം പ്രസിഡൻ്റ് ജി.മണി അധ്യക്ഷത വഹിക്കും.
വൈകിട്ട് 5.30 വരെ തുടരുന്ന കായിക മത്സരങ്ങളിൽ വടംവലി, ഓട്ട മത്സരങ്ങൾ, ഷോട്ട്പുട്ട്, കാരംസ്, ചെസ്സ്, ലോങ്ങ് ജംമ്പ്, ത്രോബോൾ, ഉറിയടി, മ്യൂസിക്കൽ ചെയർ തുടങ്ങി നിരവധി മത്സര ഇനങ്ങൾ ഉണ്ടാകുമെന്ന് ഓണാഘോഷ കമ്മിറ്റി ചെയർമാൻ അഡ്വ. പി.വിജയരാഘവൻ, സ്പേട്സ് കമ്മിറ്റി ചെയർമാൻ പ്രേമരാജൻ. എൻ.കെ, ജന. സെക്രട്ടറി അനിൽ.കെ.നായർ, ട്രഷറർ അനിൽ ദത്ത്, വർക്കിങ്ങ് പ്രസിഡൻ്റ് അജീവൻ കെ.വി, ചാരിറ്റബിൾ ചെയർമാൻ ഗോപിനാഥ്. എൻ എന്നിവർ അറിയിച്ചു.
<br>
TAGS : ONAM-2024
