കൊച്ചി: എറണാകുളം കുണ്ടന്നൂരില് സ്കൂള് ബസിന് തീപിടിച്ചു. വിദ്യാര്ഥികളെ കയറ്റാന് പോകുന്നതിനിടെ, തേവര എസ്എച്ച് സ്കൂളിലെ ബസാണ് കത്തിയത്. വാഹനത്തില് ഡ്രൈവര് മാത്രമാണ് ഉണ്ടായിരുന്നത്. കുണ്ടന്നൂരില് നിന്ന് തേവരയിലേക്ക് തിരിഞ്ഞുപോകുന്ന ഭാഗത്ത് വച്ച് ഇന്ന് രാവിലെ 8.45 ഓടെയാണ് സംഭവം. അപകട സൂചന ലഭിച്ചതും ബസ് ജീവനക്കാര് നാട്ടുകാരുടെ സഹായത്തോടെ കുട്ടികളെ ബസില് നിന്ന് ഇറക്കി ദൂരേക്ക് മാറ്റിയതിനാല് ആളപായം ഉണ്ടായില്ല. ബസ് പൂര്ണമായും കത്തി നശിച്ചു.
ബസിന്റെ മുന് ഭാഗത്ത് നിന്നാണ് തീ ഉയര്ന്നത്. ഫയര് ഫോഴ്സ് സ്ഥലത്തെത്തി തീയണച്ചു. കുട്ടികള് ബസിലേക്ക് കയറുന്ന സമയത്താണ് തീ പിടിച്ചതെന്നും എന്നാല് തീപിടിക്കാനുള്ള കാരണം എന്താണെന്നും വ്യക്തതയില്ല. സംഭവത്തില് ആര്.ടി.ഒ ഉദ്യോഗസ്ഥര് പരിശോധന നടത്തും.
<BR>
TAGS : ERANAKULAM | SCHOOL BUS
SUMMARY : A school bus caught fire in Kundanur, Ernakulam
