ബെംഗളൂരു: എൻജിൻ തകരാറിലായതിനെ തുടർന്ന് ഇൻഡിഗോ വിമാനം കൊച്ചി വിമാനത്താവളത്തിൽ അടിയന്തരമായി ഇറക്കി. ബെംഗളൂരുവിൽ നിന്ന് മാലിയിലേക്ക് പുറപ്പെട്ട വിമാനമാണ് ചൊവ്വാഴ്ച കൊച്ചിയിലിറക്കിയത്.
വിമാനം അടിയന്തരമായി ഇറക്കാൻ അനുമതി തേടിക്കൊണ്ടുള്ള പൈലറ്റിന്റെ സന്ദേശം ലഭിച്ചയുടൻ എയർ ട്രാഫിക് കൺട്രോൾ ടവറിൽ നിന്നുള്ള നിർദേശപ്രകാരം കൊച്ചി വിമാനത്താവളത്തിൽ ആവശ്യമായ സുരക്ഷാ സംവിധാനങ്ങളൊരുക്കി. ഉച്ചയ്ക്കുശേഷം 2.05-ന് വിമാനത്താവളത്തിൽ സമ്പൂർണ അടിയന്തരാവസ്ഥ പ്രഖ്യാപിക്കുകയും 2.20-ന് വിമാനം സുരക്ഷിതമായി ലാൻഡ് ചെയ്യുകയുമായിരുന്നു.
TAGS: BENGALURU | FLIGHT
SUMMARY: Mali bound bengaluru flight makes emergency landing at kochi
