ബെംഗളൂരു: ഓണാവധിയോടനുബന്ധിച്ച് കേരളത്തിലേക്ക് ബെംഗളൂരു, മൈസൂരു എന്നിവിടങ്ങളില്‍ നിന്നായി കൂടുതല്‍ സ്‌പെഷ്യല്‍ ബസുകള്‍ പ്രഖ്യാപിച്ച് കര്‍ണാടക ആര്‍ടിസി. ഓഗസ്റ്റ് 10 മുതല്‍ 18 വരെയണ് അധിക സര്‍വീസുകള്‍ ഏര്‍പ്പെടുത്തിയത്. മൈസൂരു റോഡ് ബസ് സ്റ്റേഷന്‍, ശാന്തിനഗര്‍ ബസ് സ്റ്റേഷന്‍ എന്നിവിടങ്ങളില്‍ നിന്ന് കണ്ണൂര്‍, കോഴിക്കോട്, എറണാകുളം, പാലക്കാട്ട്, തൃശൂര്‍, കോട്ടയം തുടങ്ങിയ സ്ഥലങ്ങളിലേക്കാണ് കൂടുതല്‍ ബസുകള്‍ ഏര്‍പ്പെടുത്തിയത്.
ടിക്കറ്റ് റിസര്‍വേഷന്‍ ആരംഭിച്ചിട്ടുണ്ട്. വെബ് സൈറ്റ് : https://ksrtc.in/
ഒരേ സമയം നാലോ അതിലധികമോ യാത്രക്കാരുടെ ടിക്കറ്റ് ബുക്ക് ചെയ്യുകയാണെങ്കില്‍ യാത്രാനിരക്കില്‍ 5% കിഴിവ് നല്‍കും. മടക്കയാത്രാ കൂടി ബുക്ക് ചെയ്യുകയാണെങ്കില്‍ ടിക്കറ്റിന് 10% കിഴിവ് നല്‍കും. യാത്രക്കാരുടെ സൗകര്യാര്‍ത്ഥം കൂടുതല്‍ ബസുകള്‍ ഉടന്‍ പ്രഖ്യാപിക്കും. തിരക്ക് പരിഗണിച്ച് ഈ മാസം 12, 13 തീയതികളില്‍ ശാന്തിനഗര്‍ ബിഎംടിസി ബസ് ടെര്‍മിനലില്‍ നിന്നും പുറപ്പെടുന്ന കേരളത്തിലേക്കുള്ള സര്‍വീസുകളിലെ യാത്രക്കാര്‍ക്കായി പ്രത്യേക ക്രമീകരണങ്ങള്‍ ഏര്‍പ്പെടുത്തുമെന്നും അധികൃതര്‍ അറിയിച്ചു.
<br>
TAGS : ONAM-2024
SUMMARY : Onam. Karnataka RTC arranged more Special buses to kerala
