ബെംഗളൂരു: കെഎസ്ആർ ബെംഗളൂരുവിനും ചെന്നൈ സെൻട്രലിനും ഇടയിൽ സർവീസ് നടത്തുന്ന ഡബിൾ ഡക്കർ ട്രെയിൻ സർവീസ് സമയത്തിൽ മാറ്റം വരുത്തി സൗത്ത് വെസ്റ്റേൺ റെയിൽവേ (എസ്ഡബ്ല്യുആർ).
ട്രെയിൻ (22626) ഉച്ചയ്ക്ക് 1.30ന് ബെംഗളൂരുവിൽ നിന്ന് പുറപ്പെട്ട് രാത്രി 7.45ന് ചെന്നൈയിലെത്തും. മെയ് 1 മുതൽ പുതിയ സമയം പ്രാബല്യത്തിൽ വരും. ബെംഗളൂരു കൻ്റോൺമെൻ്റ്, കെആർ പുര, കട്പാടി, തുടങ്ങിയ സ്റ്റേഷനുകളിൽ ട്രെയിനിന് സ്റ്റോപ്പുണ്ടാകും. നിലവിൽ ഉച്ച കഴിഞ്ഞ് 2.30ന് കെഎസ്ആർ ബെംഗളുരു റെയിൽവേ സ്റ്റേഷനിൽ നിന്ന് ട്രെയിൻ പുറപ്പെട്ട രാത്രി 8.35 നാണ് ചെന്നൈയിൽ എത്തുന്നത്.
കുറഞ്ഞ സമയത്തിനകം ചെന്നൈയിൽനിന്ന് ബെംഗളൂരുവിൽ എത്തുമെന്നതാണ് ഈ ട്രെയിനിന്റെ സവിശേഷത. മറ്റ് സൂപ്പർഫാസ്റ്റ് വണ്ടികളെ അപേക്ഷിച്ച് ഡബിൾ ഡക്കർ അഞ്ചുമണിക്കൂറും 10 മിനിറ്റുംകൊണ്ട് ചെന്നൈയിൽ നിന്ന് ബെംഗളൂരുവിലെത്തും. മറ്റ് ട്രെയിനുകൾക്ക് ആറ് മണിക്കൂറും 15 മിനിറ്റും യാത്രയ്ക്കുവേണ്ടി വരുന്നുണ്ട്.
അടുത്തിടെയാണ് ഡബിൾ ഡക്കർ ട്രെയിൻ കോച്ചുകളിൽ റെയിൽവേ മാറ്റം പ്രഖ്യാപിച്ചിരുന്നത്. നേരത്തെ പത്ത് എ.സി. ഡബിൾ ഡക്കർ കോച്ചുകളുണ്ടായിരുന്ന ട്രെയിനിൽ ഇപ്പോൾ എട്ട് എസി ഡബിൾഡക്കർ കോച്ചുകളും അഞ്ച് നോൺ എസി കോച്ചുകളും ഒരു ജനറൽ കോച്ചുമാണുള്ളത്.
The post ചെന്നൈ – ബെംഗളൂരു ഡബിൾ ഡക്കർ ട്രെയിൻ സമയത്തിൽ മാറ്റം appeared first on News Bengaluru.
Powered by WPeMatico
