ബസും ഓട്ടോറിക്ഷയും കൂട്ടിയിടിച്ച് രണ്ട് സൈനികർ മരിച്ചു. മഹാരാഷ്ട്രയിലെ നാഗ്പൂരിലാണ് സംഭവം. ആർമിയുടെ ഗാർഡ് റെജിമെന്റൽ ട്രെയിനിംഗ് സെൻ്ററിലെ സൈനികരായ വിഘ്നേഷ്, ധീരജ് റായ് എന്നിവരാണ് മരിച്ചത്. അപകടത്തിൽ ഒപ്പമുണ്ടായായിരുന്ന ആറ് സൈനികർക്കും ഓട്ടോറിക്ഷ ഡ്രൈവർക്കും പരുക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചു.
ഓട്ടോ ഡ്രൈവറുടെ ആരോഗ്യനില ഗുരുതരമാണെന്നാണ് വിവരം. കംപീറ്റിലെ ആർമിയുടെ ഗാർഡ് റെജിമെന്റൽ ട്രെയിനിംഗ് സെൻ്ററിൽ നിന്നുള്ള 15 ജവന്മാർ രണ്ട് ഓട്ടോകളിലായി യാത്ര പുറപ്പെട്ടതിന് പിന്നാലെയാണ് ബസ് ഇതിലെ ഒരു ഓട്ടോയിലേക്ക് ഇടിച്ചത്. പിന്നാലെ രണ്ടാമത്തെ ഓട്ടോയിലുണ്ടായിരുന്ന സൈനികരും നാട്ടുകാരും ചേർന്നാണ് ഇവരെ ആശുപത്രിയിലെത്തിച്ചത്. ബസ് ഡ്രൈവറുടെ നിയന്ത്രണം നഷ്ടപ്പെട്ടതാണ് അപകട കാരണമെന്ന് പോലീസ് പറഞ്ഞു. സംഭവത്തിൽ നാഗ്പുർ പോലീസ് കേസെടുത്തു.
TAGS: ACCIDENT| SOLDIER| DEATH
SUMMARY: Two jawans killed after speeding bus rams into auto
