ബെംഗളൂരു: ബെംഗളൂരുവിലെ മൂന്ന് സ്വകാര്യ കോളേജുകൾക്ക് ബോംബ് ഭീഷണി. ബസവനഗുഡി ബിഎംഎസ്സിഇ കോളേജ്, ബിഐടി കോളേജ്, സദാശിവനഗറിലെ എം.എസ്.ആർ.ഐ.ടി., എന്നിവയുടെ ഇ-മെയിലിലേക്കാണ് ഭീഷണി സന്ദേശം ലഭിച്ചത്.
വെള്ളിയാഴ്ച ഉച്ചയ്ക്ക് 1 മണിയോടെയാണ് സന്ദേശം ലഭിച്ചത്. ഉടൻ കോളേജ് മാനേജ്മെന്റ് പോലീസിൽ വിവരമറിയിച്ചു. കോളേജുകളിൽ ബോംബ് സ്ഥാപിച്ചിട്ടുണ്ടെന്നും ഉടൻ പൊട്ടിത്തെറിക്കുമെന്നുമായിരുന്നു സന്ദേശത്തിലുണ്ടായിരുന്നത്. സന്ദേശം ലഭിച്ചയുടൻ കോളേജുകളിൽ നിന്ന് വിദ്യാർഥികളെയും, ജീവനക്കാരെയും ഒഴിപ്പിച്ചു.
പോലീസും ബോംബ് സ്ക്വാഡും എത്തി പരിശോധന നടത്തിയെങ്കിലും ഒന്നും കണ്ടെത്താനായില്ല. ഭീഷണി വ്യാജമാണെന്ന് പിന്നീട് പോലീസ് സ്ഥിരീകരിച്ചു. മൂന്ന് കോളേജുകൾക്കും ഒരേ മെയിൽ ഐഡിയിൽ നിന്നാണ് ഭീഷണി ലഭിച്ചത്. സംഭവത്തിൽ കേസെടുത്ത് അന്വേഷണം ആരംഭിച്ചതായി സിറ്റി പോലീസ് പറഞ്ഞു.
TAGS: BENGALURU | BOMB THREAT
SUMMARY: Bengaluru colleges BIT, BMSCE, and MSRIT receive bomb threats
