വിദ്വേഷ പ്രസംഗം നടത്തിയെന്ന പരാതിയില് കോണ്ഗ്രസ് വക്താവ് ഷമ മുഹമ്മദിനെതിരെ കേസ്. കോഴിക്കോട് സിറ്റി പോലിസാണ് ഷമ മുഹമ്മദിനെതിരെ കേസെടുത്തത്. കോഴിക്കോട് യുഡിഎഫ് സ്ഥാനാര്ത്ഥി എംകെ രാഘവന്റെ തിരഞ്ഞെടുപ്പ് പര്യടനത്തിനിടെയുള്ള ഷമ മുഹമ്മദിന്റെ പ്രസംഗം വിദ്വേഷം പ്രചരിപ്പിക്കുന്നതാണെന്നാണ് എഫ്ഐആര്.
ബിജെപി വീണ്ടും അധികാരത്തിലെത്തിയാല് ക്രിസ്ത്യന്, മുസ്ലിം പളളികള് ഉണ്ടാകില്ലെന്നായിരുന്നു ഷമാ മുഹമ്മദിന്റെ പ്രസംഗം. തിരുവനന്തപുരം സ്വദേശി അരുണ്ജിത് തിരഞ്ഞെടുപ്പ് കമ്മീഷന് നല്കിയ പരാതിയെ തുടര്ന്നാണ് നടപടി. കേസെടുത്തതിന് പിന്നാലെ വിമര്ശനവുമായി ഷമ മുഹമ്മദ് രംഗത്തെത്തി. താന് ഒരു തെറ്റും പറഞ്ഞിട്ടില്ലെന്നും എന്തിനാണ് കേസെടുത്തതെന്ന് അറിയില്ലെന്നും ഷമ പ്രതികരിച്ചു.
The post വിദ്വേഷ പ്രസംഗം: കോണ്ഗ്രസ് വക്താവ് ഷമ മുഹമ്മദിനെതിരെ കേസെടുത്തു appeared first on News Bengaluru.
