ബെംഗളൂരു: സംസ്ഥാനത്തുടനീളമുള്ള മുഴുവൻ കുഴൽക്കിണറുകളും പരിശോധിക്കാൻ ജില്ലാ ഭരണകൂടങ്ങൾക്ക് നിർദേശം നൽകി വ്യവസായ മന്ത്രി എം. ബി. പാട്ടീൽ. വിജയപുരയിൽ തുറന്നിട്ട കുഴൽക്കിണർ കുഴിയിൽ രണ്ട് വയസുകാരൻ വീണതിന്റെ പശ്ചാത്തലത്തിലാണ് നിർദേശം.
നിയമം അനുശാസിക്കുന്ന പ്രകാരം എല്ലാ കുഴൽക്കിണറുകളും കൃത്യമായി മൂടിയിട്ടുണ്ടെന്ന് ഉറപ്പുവരുത്താൻ സർവേ നടത്താനും ജില്ലാ അധികാരികൾക്ക് മന്ത്രി നിർദേശം നൽകി. കുഴൽക്കിണർ അടയ്ക്കാതെ ഉപേക്ഷിക്കുന്നവർക്കെതിരെ കർശന നടപടി സ്വീകരിക്കുമെന്നും അദ്ദേഹം പറഞ്ഞു. ബുധനാഴ്ചയാണ് കളിക്കുന്നതിനിടെ രണ്ട് വയസുകാരനായ സാത്വിക് കുഴൽക്കിണറിൽ വീണത്.
സാത്വികിനെ രക്ഷിക്കാനുള്ള രക്ഷാപ്രവർത്തനം 21 മണിക്കൂറിലേറെ നീണ്ടുനിന്നെങ്കിലും വ്യാഴാഴ്ച കുട്ടിയെ സുരക്ഷിതമായി പുറത്തെത്തിച്ചെന്ന് മന്ത്രി പറഞ്ഞു. ദേശീയ ദുരന്ത നിവാരണ സേന (എൻഡിആർഎഫ്), സംസ്ഥാന ദുരന്ത നിവാരണ സേന (എസ്‌ഡിആർഎഫ്), അഗ്നിശമന സേനാംഗങ്ങൾ, പോലീസ് എന്നിവരാണ് രക്ഷാപ്രവർത്തനത്തിന് മേൽനോട്ടം വഹിച്ചത്.
The post സംസ്ഥാനത്തെ എല്ലാ കുഴൽക്കിണറുകളും പരിശോധിക്കാൻ നിർദേശം appeared first on News Bengaluru.
Powered by WPeMatico
