ബെംഗളൂരു: ഹെബ്ബാൾ – സർജാപുര മെട്രോ ലൈനിനു സംസ്ഥാന ധനകാര്യ വകുപ്പിന്റെ അംഗീകാരം. നമ്മ മെട്രോ ഫേസ് 3 എ ലൈൻ പദ്ധതിയുടെ ഭാഗമായി ഹെബ്ബാളുമായി സർജാപുരയെ ബന്ധിപ്പിക്കുന്ന പദ്ധതിക്ക് കഴിഞ്ഞ മാസം കേന്ദ്ര നഗരവികസന വകുപ്പും അംഗീകാരം നൽകിയിരുന്നു. ഇതോടെ പദ്ധതി ഉടൻ ട്രാക്കിലേക്ക് എത്തിക്കാൻ സാധിക്കുമെന്ന് ബിഎംആർസിഎൽ പറഞ്ഞു.
കഴിഞ്ഞ ജൂണിൽ സംസ്ഥാന സർക്കാർ പദ്ധതിക്ക് പച്ചക്കൊടി കാണിച്ചിരുന്നു. 37 കിലോമീറ്റർ വ്യാപിച്ചുകിടക്കുന്നതാണ് ഹെബ്ബാൾ – സർജാപുര പാത. ഏകദേശം 27,000 കോടി രൂപയാണ് പദ്ധതിക്ക് ചെലവഴിക്കുക. 2022 – 2023ൽ പദ്ധതിയുടെ ബജറ്റ് എസ്റ്റിമേറ്റ് ഏകദേശം 16,500 കോടി രൂപയായിരുന്നു. എന്നാൽ വിശദമായ പ്രോജക്ട് റിപ്പോർട്ടിനെ തുടർന്ന് നടത്തിയ പഠനത്തിൽ എസ്റ്റിമേറ്റ് തുക 27,000 കോടി രൂപയായി ഉയർന്നു.
ഹെബ്ബാൾ – സർജാപുര പാത യാഥാർഥ്യമായാൽ ബെംഗളൂരുവിലെ പ്രധാന പ്രദേശങ്ങൾ തമ്മിലുള്ള കണക്റ്റിവിറ്റി ശക്തമാകും. 28 സ്റ്റേഷനുകൾ പുതിയ ലൈനിൽ ഉണ്ടാകും. ഡിപിആർ അനുസരിച്ച് പദ്ധതിയുടെ ഭാഗമായി ഭൂഗർഭ – എലിവേറ്റഡ് ലൈനുകൾ ഉണ്ടാകും. ഭൂഗർഭ പാതയിൽ 11 സ്റ്റേഷനുകൾ ഉൾപ്പെടും.
TAGS: BENGALURU | NAMMA METRO
SUMMARY: Bengaluru Metro’s Hebbal-Sarjapur line gets green signal from finance department
