തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധിക്ക് ആശ്വാസമായി 150 മെഗാവാട്ട് വൈദ്യുതി കേന്ദ്ര വിഹിതം അനുവദിച്ചു. ഡിസംബർ 31 വരെ 150 മെഗാവാട്ട് വൈദ്യുതി സംസ്ഥാനത്തിന് ലഭിക്കും. വൈദ്യുതി പ്രതിസന്ധി ചൂണ്ടിക്കാട്ടി സംസ്ഥാന സർക്കാർ നല്‍കിയ കത്ത് പരിഗണിച്ചാണ് കേന്ദ്രാനുമതി. അതേസമയം സംസ്ഥാനത്ത് വൈദ്യുതി ഉപഭോഗം കൂടിയതോടെ ഇന്നും വൈദ്യുതി നിയന്ത്രണത്തിന് സാധ്യതയെന്ന് അറിയിപ്പ്.
സംസ്ഥാനത്തെ വൈദ്യുതി പ്രതിസന്ധി പരിഹരിക്കാൻ വൈദ്യുതി വകുപ്പും സർക്കാരും ശ്രമം തുടരുന്നതിനിടെയാണ് താത്കാലിക ആശ്വാസമായി കേന്ദ്ര വിഹിതം എത്തുന്നത്. കൂടാതെ ഉത്തരേന്ത്യയില്‍ അപ്രതീക്ഷിതമായി മഴ ലഭിച്ചതോടെ അവിടെ നിന്ന് വൈദ്യുതി വാങ്ങാൻ കഴിയുമെന്നും കെ.എസ്.ഇ.ബിക്ക് പ്രതീക്ഷ ഉണ്ട്. ഇതിന് പുറമേയാണ് നാഷണല്‍ തെർമല്‍ പവർ കോർപ്പറേഷനില്‍ നിന്ന് വൈദ്യുതി വാങ്ങാനുള്ള തീരുമാനം. ഈ മാസം 30 വരെ 300 മെഗാവാട്ട് വൈദ്യുതി ഒരു യൂണിറ്റിന് 30 രൂപ നല്‍കി വാങ്ങും.
SUMMARY: 150 MW of electricity from the central share will be available starting tomorrow.
