കോഴഞ്ചേരി: മാരാമൺ ചെട്ടിമുക്കിൽ റിസോർട്ടിൽ റിസപ്ഷനിസ്റ്റായ യുവതിയെ കുത്തിക്കൊലപ്പെടുത്തി. കഴുത്തിൽ കുത്തേറ്റ കുളത്തുപ്പൂഴ സ്വദേശി ദിൻഷ (20) സംഭവസ്ഥലത്തുതന്നെ മരിച്ചു. കീഴുകര സ്വദേശിയായ ജിത്തു പോലീസിന്റെ പിടിയിലായിട്ടുണ്ട്.
പ്രണയനൈരാശ്യമാണ് ആക്രമണത്തിന് പിന്നിലെന്നാണ് പ്രാഥമിക വിവരം. റിസോർട്ടിൽ ട്രെയിനിയായി ജോലി ചെയ്തുവരികയായിരുന്ന ദിൻഷ രണ്ടാഴ്ച മുമ്പാണ് ജോലിയിൽ പ്രവേശിച്ചത്. മൃതദേഹം കോഴഞ്ചേരി ആശുപത്രിയിൽ സൂക്ഷിച്ചിരിക്കുകയാണ്. പ്രതി ജിത്തുവിനെ നാട്ടുകാർ പിടികൂടി കെട്ടിയിട്ടു. തുടർന്ന് പോലീസ് സ്ഥലത്തെത്തി കസ്റ്റഡിയിലെടുക്കുകയായിരുന്നു.
SUMMARY: 20-year-old female receptionist stabbed to death at a resort in Kozhenchery; young man arrested.
