ധാക്കുവാഖാന: 79ാമത് സന്തോഷ് ട്രോഫി ഫുട്ബോളില് സര്വീസസിന്റെ മുത്തം. കേരളത്തിനെ പരാജയപ്പെടുത്തി എട്ടാം സന്തോഷ് ട്രോഫി കിരീടമാണ് സര്വീസസ് സ്വന്തമാക്കിയത്. അസമിലെ ധാക്കുവാഖാന സ്റ്റേഡിയത്തില് നടന്ന ഫൈനല് മല്സരത്തില് 90 മിനിറ്റും കഴിഞ്ഞപ്പോള് ഇരുടീമുകളും ഗോള്രഹിത സമനിലയില് പിരിയുകയായിരുന്നു. പിന്നീട് 30 മിനിട്ട് അധിക സമയത്താണ് ഒരുഗോള് നേടി സര്വീസസിന്റെ തിരിച്ചുവരവ്. അഭിഷേക് പവാറാണ് ഗോൾ വല ചലിപ്പിച്ചത്.
കേരളത്തിന്റെ 16ാം സന്തോഷ് ട്രോഫി ഫൈനലായിരുന്നു ഇത്. കഴിഞ്ഞ വര്ഷം ഫൈനലില് ബംഗാളിനോട് പരാജയപ്പെട്ട കേരളം ഇത്തവണ കിരീടം സ്വന്തമാക്കാനാണ് വന്നത്. ഏഴുതവണ സന്തോഷ് ട്രോഫി ജേതാക്കളായ കേരളം 2022ല് മലപ്പുറം മഞ്ചേരിയിലാണ് അവസാനം കിരീടം ചൂടിയത്.
SUMMARY: Services wins Santosh Trophy
