കോഴിക്കോട്: മകളെ മർദിച്ചത് ചോദ്യം ചെയ്തതിന് ഭാര്യാ മാതാവിന്റെ വീടിന് തീവച്ച് യുവാവ്. കാരശേരി വലിയപറമ്പ് ജമീലയുടെ വീടിനാണ് മരുമകൻ റഷീദ് തീയിട്ടത്. ഇന്ന് പുലർച്ചെ മൂന്നോടെയായിരുന്നു സംഭവം. റഷീദ് താമസിക്കുന്ന വാടക വീട്ടിൽ വച്ച് ഭാര്യയെ ഇയാൾ മർദിച്ചിരുന്നു. യുവതിക്ക് പരുക്കേറ്റതിനെ തുടർന്ന ആശുപത്രിയിൽ പ്രവേശിപ്പിച്ചു.
ആശുപത്രിയിൽ നിന്ന് ഡിസ്ചാർജ് ആയ ശേഷം മകളെയും കൂട്ടി ജമീല സ്വന്തം വീട്ടിലേക്ക് മടങ്ങി. മകളെ മർദിച്ചത് ജമീല ചോദ്യം ചെയ്തിരുന്നു. ശേഷം റഷീദുമായി വാക്കുതർക്കമുണ്ടായി. തുടർന്നാണ് ഇന്ന് പുലർച്ചെ വീടിന് നേരെ ആക്രമണമുണ്ടായത്. പുതുപ്പാടി സ്വദേശിയായ റഷീദിനെ മുക്കം പോലീസ് അറസ്റ്റ് ചെയ്തു. തുടർന്ന് കോടതിയിൽ ഹാജരാക്കിയ റഷീദിനെ റിമാൻഡ് ചെയ്തു.
SUMMARY: Young man sets fire to mother-in-law’s house for questioning her about beating his daughter
