സ്വര്‍ണവിലയില്‍ വീണ്ടും ഇടിവ്

തിരുവനന്തപുരം: കേരളത്തിൽ സ്വർണ വിലയില്‍ ഇടിവ്. 760 രൂപയുടെ ഇടിവാണ് ഇന്നത്തെ ഒരു പവൻ സ്വർണത്തിന് രേഖപ്പെടുത്തിയത്. 1,17,080 രൂപയാണ് ഇന്നത്തെ ഒരു പവൻ്റെ വില. ഇതോടുകൂടി 14,635 ആണ് ഒരു ഗ്രാമിൻ്റെ വില. സ്വർണത്തിന് ഈ മാസം രേഖപ്പെടുത്തിയ ഏറ്റവും കുറഞ്ഞ വിലയാണിത്.

ക‍ഴിഞ്ഞ ദിവസം രണ്ട് തവണ സ്വർണത്തിന് വില മാറിയിരുന്നു. ഉച്ചയ്ക്കു ശേഷം സ്വർണത്തിന് വില കൂടിയിരുന്നു. എന്നാല്‍ ഇന്ന് വീണ്ടും സ്വർണത്തിൻ്റെ വില കുറഞ്ഞു. അതേസമയം, പശ്ചിമേഷ്യയിലെ യുദ്ധ സാഹചര്യം അയവില്ലാതെ തുടരുന്നത് ആഗോള വിപണികളെയും ഉലച്ചിട്ടുണ്ട്. യുദ്ധത്തിന്റെ തുടക്കത്തില്‍ കുത്തനെ ഉയര്‍ന്ന സ്വർണവില കുറയുകയും ചെയ്തു.

SUMMARY: Gold rate is decreased