തൃശൂര്: കൊടുങ്ങല്ലൂരില് ഫ്ളാറ്റിലെ ഫ്രിഡ്ജില് നിന്നും ഗര്ഭസ്ഥ ശിശുവിന്റെ മൃതദേഹം കണ്ടെത്തി. ചാത്തേടത്ത് പറമ്പിലുള്ള ഫ്ലാറ്റില് താമസിക്കുന്ന യുവദമ്പതികളുടെ മുറിയില് നിന്നാണ് മൂന്ന് മാസത്തോളം പ്രായമുള്ള ഗര്ഭസ്ഥ ശിശുവിന്റെ മൃതദേഹം കണ്ടെത്തിയത്. ഫ്രിഡ്ജില് ചെറിയ പെട്ടിക്കുള്ളില് സൂക്ഷിച്ച നിലയിലായിരുന്നു മൃതദേഹം.
രഹസ്യവിവരം ലഭിച്ചതിനെ തുടർന്ന് സ്ഥലത്തെത്തിയ പോലീസ് നടത്തിയ പരിശോധനയിലാണ് മൃതദേഹം കണ്ടെത്തിയത്. താൻ മൂന്നുമാസം ഗർഭിണിയായിരുന്നതായും ഇക്കഴിഞ്ഞ 20ന് വയറു വേദന അനുഭവപ്പെട്ടതിനെ തുടർന്ന് മാസം തികയാതെ പ്രസവിച്ച്, നഴ്സിംഗ് പഠിച്ചിട്ടുള്ള താൻ ഭ്രൂണം വേർപെടുത്തുകയും ചെയ്തതായി യുവതി പോലീസിന് മൊഴി നൽകി. ഭ്രൂണം കളയാൻ ബുദ്ധിമുട്ടുള്ളതിനാലാണ് ഫ്രിഡ്ജിൽ സൂക്ഷിച്ചതെന്നും യുവതി പറയുന്നു. ഫ്രിഡ്ജിൽ നിന്നും കണ്ടെത്തിയ ഗർഭസ്ഥ ശിശുവിന്റെ മൃതദേഹം പോലീസ് തൃശൂർ മെഡിക്കൽ കോളേജിലേക്ക് മാറ്റി. അസ്വാഭാവിക മരണത്തിന് കൊടുങ്ങല്ലൂർ പോലീസ് കേസെടുത്തു. അന്വേഷണം നടക്കുന്നതിനാൽ കൂടുതൽ വിവരങ്ങൾ പുറത്തുവിടാനാവില്ലെന്ന് പോലീസ് പറഞ്ഞു.
SUMMARY: Body of unborn baby found in fridge of young couple’s flat in Kodungallur; Police register case of unnatural death
