കണ്ണൂര്: വിവാദങ്ങൾക്കൊടുവിൽ വയനാട് പുനരധിവാസത്തിനായി പിരിഞ്ഞുകിട്ടിയ പണത്തിന്റെ കണക്ക് വെളിപ്പെടുത്തി കോൺഗ്രസ്. ജോയിന്റ് അക്കൗണ്ടില് കോണ്ഗ്രസിന് ആകെ ലഭിച്ചത് 5,38,21,632 രൂപയാണെന്ന് സണ്ണി ജോസഫ് പറഞ്ഞു. പ്രതിക്ഷ നേതാവിന്റെയും കെപിസിസി പ്രസിഡന്റിന്റെയും പേരിലുള്ള ജോയിന്റ് അക്കൗണ്ട് വഴി ലഭിച്ചതാണിതെന്ന് സണ്ണി ജോസഫ് പറഞ്ഞു. ഇതിന് പുറമെ യൂത്ത് കോണ്ഗ്രസ് ഒരുകോടി അഞ്ച് ലക്ഷംരൂപ നല്കിയെന്നും സണ്ണി ജോസഫ് വാര്ത്താ സമ്മേളനത്തില് കൂട്ടിച്ചേര്ത്തു..
വീട് നിര്മാണത്തിനായി ആദ്യഘട്ടത്തില് മൂന്നേക്കര് ഇരുപത്തി നാലര സെന്റ് ഭൂമി വാങ്ങി. ഇതിനായി രജിസ്ട്രേഷന് ഉള്പ്പടെ 3,68,36.388 രൂപ ചെലവിട്ടു. കൂടാതെ ഇതിന്റെ ആപ് നിര്മാണത്തിനായി കെ സുധാകരന് കെപിസിസി പ്രസിഡന്റായിരിക്കെ 9,30,000 രൂപ ചെലവഴിച്ചു. രണ്ടാംഘട്ടത്തില് 2,50,30,272 രൂപ ചെലവിട്ട് രണ്ട് ഏക്കര് പതിനെട്ട് സെന്റ് ഭൂമിയാണ് വാങ്ങിയത്. ഇതിനായി കെപിസിസിയുടെ തനത് ഫണ്ടില് നിന്ന് 97,51,212രൂപ അധികമായി ചെലവിട്ടു. ഇനി ഭൂമി വാങ്ങുന്നതിനും മറ്റുമായി 73,90,985 രൂപ ആവശ്യമാണ്.
വീട് നിര്മാണത്തിനായി പിരിച്ചതിനേക്കാള് കൂടുതല് പണം ചെലവഴിച്ചു കഴിഞ്ഞതായും വീട് നിര്മാണത്തിനായി ഇനി പണം പിരിക്കില്ലെന്നും പാര്ട്ടി ഫണ്ട് ഉപയോഗിച്ച് വീടുകളുടെ നിര്മാണം പൂര്ത്തിയാക്കുമെന്നും സണ്ണി ജോസഫ് പറഞ്ഞു. എല്ലാ പണവും എല്ലാം അക്കൗണ്ട് വഴിയാണ് നല്കിയത്. കണക്കുകള് ആര്ക്കും പരിശോധിക്കാം. ഇതില് സംശയത്തിന്റെ പുകമറ സൃഷ്ടിക്കാനാണ് സിപിഎം ശ്രമിച്ചതെന്ന് സണ്ണി ജോസഫ് പറഞ്ഞു.
SUMMARY: ‘Total received is 5 crore 38 lakh’; Congress releases figures on Wayanad fund
WhatsApp
Telegram
