ബെംഗളൂരു: മൈസൂരു കേരളസമാജം കുടുംബാംഗങ്ങള്ക്കായി സംഘടിപ്പിക്കുന്ന സ്പോര്ട്സ് മീറ്റ് 19 ന് നടക്കും. ഉച്ചകഴിഞ്ഞ് 3 മുതല് ഹെബ്ബാള് മാച്ച്ബോക്സ് ഫുട്ബോള് ടര്ഫ് കോര്ട്ടില് നടക്കുന്ന ഫുട്ബോള് മത്സരത്തോടെ മീറ്റ് ആരംഭിക്കും. 26 ന് രാവിലെ 9 ന് ബന്നിമണ്ഡപ് സെന്റ് ഫിലോമിനാസ് കോളജ് ഗ്രൗണ്ടില് ക്രിക്കറ്റും മേയ് 3 ന് രാവിലെ 9 ന് സെന്റ് ഫിലോമിനാസ് കോളജ് ഗ്രൗണ്ടില് വോളിബോളും നടക്കും.
മേയ് 10 ന് രാവിലെ 9 ന് ബൊഗാദി സ്റ്റേജ് രണ്ടിലെ സ്പോര്ട്സ് പാര്ക്കില് ബാഡ്മിന്റന് മത്സരം നടക്കും. മേയ് 17 ന് വിജയനഗര് കേരളസമാജം കമ്യൂണിറ്റി ഹാളില് ചെസ്, കാരംസ്, ടേബിള് ടെന്നിസ് മത്സരങ്ങളും നടക്കും. അപേക്ഷിക്കേണ്ട അവസാന തീയതി: ഫുട്ബോള്- ഏപ്രില് 12, ക്രിക്കറ്റ് -19, വോളിബോള്- 24, ബാഡ്മിന്റന് -മേയ് 3. ചെസ്, കാരംസ്, ടേബിള് ടെന്നിസ്മേയ് 10.
അപേക്ഷാ ഫോമുകള് കേരളസമാജം ഓഫിസില്നിന്ന് ലഭിക്കുമെന്ന് ഭാരവാഹികള് അറിയിച്ചു.
SUMMARY: Mysore Kerala Samajam Sports Meet from 19th
